قازاقستان ازاماتتىق اليانسىنىڭ بۇرىنعى پرەزيدەنتى، قوعام قايراتكەرى، تەلەجۇرگىزۋشى نۇرلان ەرىمبەتوۆ دۇنيەدەن وزدى، - دەپ حابارلايدى قازاقپارات ءتىلشىسى مارقۇمنىڭ ارىپتەستەرىنە سىلتەمە جاساپ.

ەرىمبەتوۆ ەم قابىلداۋ ءۇشىن ۇلتتىق ونكولوگيا جانە ترانسپلانتولوگيا عىلىمي ورتالىعىنا جاتقىزىلعان بولاتىن. مەديتسينالىق ورتالىقتان ءمالىم ەتكەندەي، ول بۇگىن تۇندە باقيلىق بولعان.

ەرىمبەتوۆ نۇرلان كەنجەبەكۇلى 1960 جىلى 28 مامىردا قىزىلوردا قالاسىندا دۇنيەگە ەلگەن. ارتىندا ايەلى مەن ەكى ۇلى قالدى.

ەرىمبەتوۆ 2012 جىلدان باستاپ "سامۇرىق-قازىنا" ۇلتتىق ءال-اۋقات قورى" اكتسيونەرلىك قوعامى جانىنداعى "الەۋمەتتىك ارىپتەستىك ورتالىعى" كق-نىڭ باس ديرەكتورى، 2013 جىلدان باستاپ "قازاقستاننىڭ ازاماتتىق اليانسى" زاڭدى تۇلعالار بىرلەستىگىنىڭ پرەزيدەنتى بولدى.

نۇرلان كەنجەبەكۇلى ەرىمبەتوۆ 1979-1983 جىلدارى ماسكەۋ مەملەكەتتىك مادەنيەت ينستيتۋتىندا وقىعان.

1985-1997 جىلدارى قىزىلوردا قالالىق مادەنيەت ءبولىمىنىڭ مەڭگەرۋشىسى، قىزىلوردا وبلىستىق مادەنيەت كوميتەتى ءبولىمىنىڭ مەڭگەرۋشىسى، قىزىلوردا وبلىستىق مادەنيەت كوميتەتى توراعاسىنىڭ ءبىرىنشى ورىنباسارى، قازسسر مەملەكەتتىك مادەنيەت كوميتەتىنىڭ باسقارما باستىعى قىزمەتىندە بولدى.

1997-2004 جىلدارى قىزىلوردا وبلىسى اكىمىنىڭ ورىنباسارى قىزمەتىن اتقاردى.

2004-2005 جىلدارى "وتان" پارتياسى ساياسي كەڭەسىنىڭ حاتشىسى بولدى.

2006 جىلدان "مادەني مايدان" قوعامدىق بىرلەستىگىنىڭ توراعاسى قىزمەتىن اتقاردى.

2007-2010 جىلدارى قازاقستان گۋمانيتارلىق-ساياسي كونيۋنكتۋرا ورتالىعىنىڭ اتقارۋشى ديرەكتورى، "ايتPARK" قوعامدىق-ساياسي ينتەلەكتۋالدى كلۋبىنىڭ نەگىزىن قالاۋشى ءارى مودەراتورى بولدى.

Abai.kz