الماتى وبلىسنىڭ اكىمى ا. باتالوۆ تۇرعىندار الدىنداعى ەسەپتى جيىندا وبلىستا ارقايسىسى 100 باسقا ارنالعان 350 وتباسىلىق ءسۇت-تاۋارلى فەرماسى قۇرىلسا، سونىڭ 50-ءى 2018 جىلعا جوسپارلانعانىن، سونىڭ ارقاسىندا بيىلعى جىلى ءسۇت ءوندىرۋ 3 ەسەگە دەيىن ءوسىپ، وڭدەۋ دەڭگەيى 43%-كە جەتەتىنىن، جانە ءسۇت زاۋىتتارىنىڭ جۇكتەمەسىن تولىق قامتۋعا مۇمكىندىك بولاتىنىن ايتقان ەدى. بۇگىندە تالدىقورعانداعى «JLC ءسۇت » ءسۇت زاۋىتىن شيكىزاتپەن قامتۋعا ۇلەس قوسىپ وتىرعان قاراتال اۋدانىنداعى «تاستوبە اگروفۋد» جشس-نىڭ جۇمىسى سونىڭ ءبىر ايعاعىنداي.  

2015 جىلدان بەرى ىسكە قوسىلعان سەرىكتەستىكتىڭ يەلىگىندە بۇگىندە 700-دەي اسىل تۇقىمدى ءىرى قارا بار. مۇنداعى 410 انالىق باستان تاۋلىگىنە 6 توننادان استام ءسۇت الىنادى. مۇنداعى ءسۇت مايلىلىعىنىڭ ۇلەسى جوعارى دەڭگەيدە، ياعني 4,3 پايىزدى قۇرايدى. سوندىقتان دا بولار، شارۋاشىلىق سۇتىنە دەگەن سۇراسىن جوعارى.

جشس جەتەكشىسى شىڭعىس احمەتوۆتىڭ ايتۋىنشا، تسيفرلاندىرۋ تالابىنا وراي مۇندا جۇمىستىڭ دەنى اۆتوماتتاندىرىلعان جۇيەدە اتقارىلادى. مۇنداعى ءار ساۋىنشى نەمىس تەحنولوگياسىمەن ءبىر مەزەتتە ارنايى اپپاراتتاردىڭ كومەگىمەن 24 سيىر ساۋا الادى جانە مال مەن جالپى جۇمىس پروتسەسىنىڭ بارلىق دەرەكتەرى «Dairy plan» جۇيەسىندە ساقتالادى. شارۋاشىلىقتا 65 ادام جۇمىس ىستەسە، بۇگىندە دەيىن جۇمىسشىلارعا ارناپ سەرىكتەستىك بازاسىندا 15 تۇرعىن ءۇي سالعان.

اتاپ وتسەك، الداعى ۋاقىتتا ءىرى قارا باسىن تاعى 500-گە كوبەيتىپ، جۇمىسشىلار سانىن ارتتىرۋدى دا جوسپارلانىپ وتىر.

ساعىنىش نامازشاموۆا

Abai.kz