28 اقپاننان باستاپ اشحابادتا مەملەكەت باقىلايتىن دۇكەندەردە ۇن، قانت سەكىلدى ازىق-تۇلىككە شەكتەۋ ەنگىزىلگەن. قازىرگى كەزدە ءبىر ادامعا ءبىر كەلى ۇن مەن جارتى كەلى قانتتان ارتىق ساتىلمايدى ەكەن. وسىعان دەيىن ءبىر ادامعا بەس كەلى ۇن مەن ءبىر كەلى قانت ساتىلىپ كەلگەن.

"اشحابادتىقتار تاڭعى التىدا تۇرىپ، مەملەكەتتىك دۇكەندەردىڭ الدىندا كەزەككە تۇرادى. ويتكەنى شەكتەۋلەرگە قاراماستان، ازىق-تۇلىك تەز تاۋسىلىپ قالادى", - دەيدى اتى-ءجونىن قۇپيا ۇستاۋدى ءجون كورگەن اشحاباد تۇرعىنى.

ونىڭ سوزدەرىنشە، شەكتەۋ قويىلعان تاۋارلاردى ساتىپ الۋ ءۇشىن، ساتۋشىلار ەڭ الدىمەن قۇجات سۇرايدى ەكەن. كامەلەتكە جاسى تولماعاندارعا مۇلدەم تاۋار بەرمەيدى. سەبەبىن ساتۋشىلار تۇسىندىرمەيدى.

Abai.kz