قازاقستاندا ۇستالعان قىرعىز دەپۋتاتىنىڭ اكەسى: ۇلىمدا قوس ازاماتتىق جوق
![](http://abai.kz/content/uploads/2018/02/EAC09AD3-91A1-4431-8890-DE538506793F_w1023_r1_s.jpg)
قازاقستاندا ۇستالعان قىرعىز دەپۋتاتى داميربەك اسىلبەك ۋلۋنىڭ اكەسى اسىلبەك سۋپاتاەۆ دەپۋتاتتىڭ ۇلتىن قازاق دەپ جاريالاعان قازاقستان بيلىگىنىڭ مالىمەتىن جوققا شىعاردى. داميربەك اسىلبەك ۋلۋ كاراكولدە تۋىپ-وسكەن دەيدى ول.
سۋپاتاەۆتىڭ سوزىنە قاراعاندا، بالاسىنىڭ قازاقستان ازاماتتىعى بارىن تۋىستارى بىلمەگەن. ء"بىزدىڭ بالا كاراكولدە تۋعان، سەگىزىنشى سىنىپتان سوڭ بىشكەكتەگى سپورت مەكتەبىنە اۋىسقان. "ول قازاقستاندا تۋعان، ۇلتى - قازاق" دەگەن مالىمەتتەر شىندىققا جاناسپايدى", - دەدى ول.
دەپۋتاتتىڭ اكەسى ۇلىنىڭ ديناربەك سۋپاتاەۆ بولعانىن، كەيىن ەسىمى مەن تەگىن وزگەرتكەنىن ايتتى.
15-16 اقپاندا قازاقستاندا جۇرگىزىلگەن ارنايى وپەراتسيا كەزىندە 29 ادام ۇستالدى. ولاردى اراسىندا قىرعىزستاننىڭ ءۇش ازاماتى، سولاردىڭ ىشىندە جوگوركۋ كەنەش دەپۋتاتى داميربەك اسىلبەك ۋلۋ دا بولعان.
قازاقستاننىڭ سىرتقى ىستەر مينيسترلىگى دەپۋتاتتىڭ قازاقستان ازاماتتىعى بار دەپ حابارلاسا، قازاقستاننىڭ ىشكى ىستەر مينيسترلىگىنە سىلتەمە جاساعان اقپارات قۇرالدارى دەپۋتاتتىڭ ۇلتى قازاق دەپ جازعان.
Abai.kz