سەنبى, 24 قازان 2020
COVID-19 قازاقستاندا. جۇقتىرعاندار — 110250. جازىلعاندار — 105566. قايتىس بولعاندار — 1796
3254 7 پىكىر 31 قاڭتار, 2018 ساعات 10:20

پۋتين "كرەمل ەسەبىنە" قاتىستى جاۋاپ قاتتى

بۇگىن رەسەي پرەزيدەنتى ۆلاديمير پۋتين اقش-تىڭ سانكتسيالار تۋرالى زاڭىنىڭ جالعاسى رەتىندە جاريالاعان «جاڭا ءتىزىمىن» «دوستىق ارەكەت ەمەس» دەپ باعالادى. ماسكەۋدە ءوزىنىڭ سايلاۋالدى كومپانياسىنا ارنالعان جيىندا پۋتين كرەمل اقش-قا جاۋاپ رەتىندە الدەبىر قادامدار جوسپارلامايتىنىن ايتتى.

قاڭتاردىڭ 30-ى اقش قارجى مينيسترلىگى رەسەي پرەزيدەنتى ۆلاديمير پۋتينگە جاقىن دەلىنگەن جانە بولاشاقتا سانكتسيا سالىنۋى مۇمكىن ادامداردىڭ «كرەمل ەسەبى» دەپ اتالاتىن ءتىزىمىن جاريالاعان. قۇجاتقا رەسەيلىك 144 جوعارى لاۋازىمدى قىزمەتكەر مەن 96 "وليگارح" ەنگىزىلگەن.

«ءپۋتيننىڭ ءتىزىمى» دەپ اتالعان بەيرەسمي تىزىمدە رەسەي پرەمەر-ءمينيسترى دميتري مەدۆەدەۆ پەن سىرتقى ىستەر ءمينيسترى سەرگەي لاۆروۆ بار. تىزىمدە فەدەراتسيا كەڭەسىنىڭ باسشىسى، مەملەكەتتىك دۋما توراعاسى، سىرتقى بارلاۋ قىزمەتىنىڭ ديرەكتورى، تەرگەۋ كوميتەتىنىڭ توراعاسى، فسب باسشىسى جانە ماسكەۋ مەرىنىڭ اتى-ءجونى كورسەتىلگەن.

وليگارحتار مەن بيزنەسمەندەردەن اليشەر ۋسمانوۆ، رومان ابراموۆيچ، سۋلەيمان كەريموۆتەر تىزىمگە ىلىككەن.

"كرەمل ەسەبىنە" قامتىلعان شەنەۋنىكتەر مەن وليگارحتارعا بولاشاقتا سانكتسيا سالىنۋى مۇمكىن. الايدا اقش پرەزيدەنتى دونالد ترامپتىڭ اكىمشىلىگى ازىرگە جاقىن ارادا ونداي شارا بولمايتىنىن ايتادى.

Abai.kz

7 پىكىر