ماسكەۋدە 16 بەلسەندى ۇستالعان. ونىڭ ىشىندە وپپوزيتسيونەر الەكسەي ناۆالنىي دا بار. بىراق كەيىننەن ول بوساتىلعان.

تومسكىدە بەلسەندى سەرگەي چايكوۆسكيگە 150 مىڭ رۋبل ايىپپۇل سالعان. ونى "ميتينگ وتكىزۋ زاڭىن قايتارا بۇزدى" دەپ ايىپتادى. چەليابينسكىدە اكتسياعا قاتىسۋشى دەنيس يبراگيموۆتى "بۇزاقىلىق جاسادى" دەپ 10 تاۋلىككە قاماۋعا العان.

"سايلاۋشىلار كوتەرىلىسى" رەسەيدىڭ ونداعان قالاسىندا ءوتتى. اكتسياعا مىڭداعان ادام قاتىستى. جاپپاي شەرۋ نەگىزىندە ماسكەۋ جانە سانكت-پەتەربۋرگ قالالارىندا وتكەن. پوليتسيا بەلسەندىلەرگە تاراۋدى تالاپ ەتتى. بىراق جاپپاي تۇتقىنداۋ بولمادى.

بيىل ناۋرىز ايىندا وتەتىن پرەزيدەنت سايلاۋىنا ناۆالنىيدى قاتىستىرۋعا تىيىم سالعاننان كەيىن، ونىڭ جاقتاستارى "سايلاۋشىلار كوتەرىلىسىن" ۇيىمداستىردى. وپپوزيتسيونەر الداعى سايلاۋدى ادىلەتسىز وتەدى دەپ، حالىقتى داۋىس بەرمەۋگە شاقىردى.

Abai.kz