اشحاباد ورتالىعىندا تۇرعىن ۇيلەر جىلۋسىز قالدى
قىس مەزگىلىندە اشحاباد ورتالىعىندا بىرنەشە تۇرعىن ۇيلەر جىلۋسىز قالىپ وتىر. مير-2 ىقشام اۋدانىنىڭ تۇرعىنى امانمىرات بۋگاەۆتىڭ ايتۋىنشا، سوڭعى ءۇش كۇن بويى ۇيلەرىندە جىلۋ بولماعان.
"ەكى كۇن بۇرىن مير-2/1 ىقشام اۋدانىندا №21 جانە №22 ۇيلەردىڭ جىلۋىن ءوشىرىپ تاستادى. بىزگە تۇسىندىرۋلەرى بويىنشا، اتالعان ۇيلەردىڭ مۇرجالارى جارىلىپ كەتكەن. ونى جوندەگەنشە، 236 پاتەر جىلۋسىز قالىپ وتىر", - دەپ حابارلايدى امانمىرات بۋگاەۆ.
بۋگاەۆتىڭ ايتۋىنشا 2016 جىلدىڭ جازىندا مۇرجالاردى اۋىستىرعان. بىراق كۇزدە ورتالىقتاندىرىلعان جىلۋدى ىسكە قوسقاندا مۇرجالار بىرىنەن كەيىن ءبىرى جارىلىپ كەتكەن. بۇل جاعداي بيىل دا قايتالانىپ وتىر.
Abai.kz
