ءبىز الەۋمەتتىك جەلىنى اقتارىپ وتىرىپ، وتە قىزىقتى ماتەريالعا جولىقتىق. بيىلعى جىلدىڭ قاراشاسىندا «بەلگىلى قوعام قايراتكەرى داريعا نۇرسۇلتانقىزىنا ارنالعان ءان» اتتى ماقالا جاريا بوپتى. دالىرەك ايتساق، «Kerey.kz» دەيتىن سايتتا سەنات دەپۋتاتى داريعا نۇرسۇلتانقىزىنا ارنالعان «داريعا» اتتى ءان جاريا بولدى.

«YouTube» كانالىندا جاريا بولعان بەينە جازبانى 129 ادام كورىپتى. بەينە جازبانىڭ انىقتاماسى رەتىندە «بەلگىلى قوعام قايراتكەرى داريعا نۇرسۇلتانقىزى نازارباەۆانىڭ حالىققا جاساعان يگىلىكتى ىستەرىنە قولداۋ رەتىندە شىققان ءان» دەپ جازعان ەكەن.

ارناۋ ءاننىڭ اۆتورى – توراعالي باتىرحانۇلى دەيتىن ازامات ەكەن.

راسىندا، داريعا نۇرسۇتانقىزىنىڭ شىعارماشىلىقتاعى ادام ەكەنىن، سىزىلتىپ سالعان ءانىن ءبىز تۇگىلى حالىقارالىق ساحنا مايتالماندارى مويىندايتىنىن بىلەتىن ەدىك.

ال داريعا نۇرسۇلتانقىزى نازارباەۆاعا ارناعان ءاننىڭ بارىن بىلمەپتىك. سوندىقتان بولىسكەندى ءجون كوردىك.

نۇرزات توعجان

Abai.kz