تەلەارنا زاڭگەرى امانتۋر ابدراحمانوۆتىڭ ايتۋىنشا، تىزىمگە الۋ تەلەارنا باس ديرەكتورىنىڭ كابينەتىنەن باستالعان. سوت ورىنداۋشىلارى ەسەپشىدەن ءتىزىم جاساۋعا نەگىز بولاتىن قاجەتتى قۇجاتتاردى سۇراعان.

زاڭگەر "تەلەارنا جۇمىسىن جالعاستىرا ما؟" دەگەن ساۋالعا سوت ۇيعارىمىندا تەلەارنا مۇلكى بۇعاتتالاتىنى تۋرالى جازىلعانىن ايتتى. سوت ورىنداۋشىلارى مۇلىكتى كىمگە ساقتاۋعا بەرىلەتىنىن ازىرگە ايتپاعان.

19 جەلتوقسان كۇنى كەشكە نتس تەلەارناسىنىڭ كەڭسەسىنە سوت ورىنداۋشىلارى مەن ميليتسيا بارىپ، بىشكەكتىڭ اۋدانارالىق سوتىنىڭ تەلەارنا مۇلكىن تىزىمدەۋ تۋرالى ۇيعارىمىن كورسەتكەن. نتس تەلەارناسىنىڭ ۇستىنەن سوتقا شاعىمدى "Grexton Capital LTD" كومپانياسى تۇسىرگەن. سوت ۇيعارىمىندا نتس تەلەارناسى ءۇشىنشى تاراپ رەتىندە كورسەتىلگەن.

قىرعىزستان پارلامەنتىنىڭ دەپۋتاتى، 15 قازاندا وتكەن پرەزيدەنت سايلاۋىندا ەكىنشى ورىن العان ومۋربەك بابانوۆ نتس-كە قاتىستى جاعدايدى "رەيدەرلىك" دەپ اتادى.

Abai.kz