"تۇركىمەنستان - ۇلى جىبەك جولىنىڭ جۇرەگى" دەپ اتالاتىن ءفيلمدى ءتۇسىرۋ جۇمىسى ەكى اپتادان بەرى جالعاسىپ جاتىر.

دەرەككوزدىڭ حابارلاۋىنشا، ءفيلمدى تۇسىرۋشىلەر جەرگىلىكتى بيۋدجەتتىك مەكەمەنىڭ قىزمەتكەرلەرىن ءتۇسىرۋ جۇمىسىنا قاتىسۋعا ماجبۇرلەپ جاتىر. "ادامدار كۇنى بويى قىس كەزىندە دالادا جۇرۋگە ءماجبۇر", - دەيدى داشوگۋزدا تۇراتىن ونەر قايراتكەرلەرىنىڭ ءبىرى.

قالادا مەكتەپتىڭ بىرىندە جۇمىس ىستەيتىن مۇعالىمنىڭ ايتۋىنشا، ءفيلمنىڭ ءتۇسىرۋ جۇمىسىنا ءۇش بىردەي اۋداننىڭ قىزمەتكەرلەرى تارتىلعان. ء"جۇز شاقتى كيىز ءۇي تىكتى. 50 تۇيەنى دايىندادى. بيۋدجەتتىك مەكەمە قىزمەتكەرلەرى قازىر كوشەنى قاردان تازارتۋ، كيىز ۇيلەردى تىگۋ سەكىلدى قارا جۇمىسپەن اينالىسىپ ءجۇر", - دەيدى مۇعالىم.

فيلم جۇمىسىنا قاتىسىپ جۇرگەندەرگە تاۋلىگىنە 40 مانات (شامامەن 11.3 اقش دوللارى) قالاماقى بەرىلەدى ەكەن. ال كۇندەلىكتى ءتۇسىرىلىم الاڭىنا بارۋ ءۇشىن ولار جول شىعىنىن قالتاسىنان شىعارادى.

پرەزيدەنت گۋربانگۋلى بەردىمۇحامەدوۆتىڭ "تۇركىمەنستان – ۇلى جىبەك جولى جۇرەگىندە" دەپ اتالاتىن كىتابىنىڭ تۇساۋ كەسەر ءراسىمى بيىل قازان ايىندا وتكەن.

2017 جىلدىڭ ىشىندە پرەزيدەنتتىڭ جەتى بىردەي كىتابى جارىق كوردى.

Abai.kz