الماتى. 21 جەلتوقسان. قازتاگ – وتكەن جەكسەنبىدە الماتىنىڭ المالى اۋدانىنىڭ كوشەلەرىندە پىشاقپەن قارۋلانعان بەلگىسىز ەركەكتەردىڭ قولىنان ءبىر ادام قازا بولىپ جانە ەكەۋى اۋرۋحاناعا ءتۇستى، دەپ اگەنتتىككە قۇقىق قورعاۋ ورگانىنداعى دەرەككوز حابارلادى.

ءتىرى قالعان زارداپ شەگۋشىنىڭ بىرەۋى، 25 جاسار قازمۋ-ءدىڭ ستۋدەنتىنىڭ ايتۋىنشا، شابۋىلداۋشىلار بەسەۋ بولعان. ولاردىڭ جاستارى 25-تەن اسپايدى. ولار 21.40 شاماسىندا تولە بي مەن تلەنديەۆ كوشەلەرىنىڭ قيىلىسىندا جولدى بوگەپ، ستۋدەنت پەن ونىڭ سەرىگىن سوققىعا جىعىپ، قاشىپ كەتپەككە ارەكەتتەنگەندە پىشاق سالعان. ارقاسىنان جۇرەك تۇسىنان پىشاق سالىنعان زارداپ شەگۋشىنىڭ ەكىنشىسى جەدەل جاردەم كەلگەنشە وقيعا ورنىندا جان تاپسىرعان، دەيدى دەرەككوز.

ولاردىڭ ايتۋىنشا، قىلمىسكەرلەر توبى ءبىرىنشى قىلمىس جاساعاننان كەيىن 20-30 مينۋت وتكەن سوڭ وزدەرىن تاعى كورسەتكەن. ولار كوشەدە ءوتىپ بارا جاتقان 17 جاسار بالانى قورشاپ العان. قىلمىسكەرلەر كامەلەتكە تولماعاننىڭ سانىنا پىشاق سالىپ، ودان ۇيالى تەلەفون مەن كراسوۆكاسىن تارتىپ الىپ، تايىپ تۇرعان.

پوليتسيا كۇدىكتىلەردى ۇستاي المادى.