استانا. 21 جەلتوقسان. قازتاگ – وتكەن كۇندەرى قوستاناي وبلىسىنىڭ جولدارىندا جۇرگىزىلگەن قۇتقارۋ وپەراتسيالارى بارىسىندا 60 ادام قۇتقارىلدى. ونىڭ ىشىندە 54 ادام تاجىكستان ازاماتى بولدى، دەپ قازاقستان تجم حابارلايدى.

ۆەدومستۆونىڭ مالىمەتتەرىنشە قۇتقارۋ وپەراتسياسى اۆتوبۋستىڭ كەنەت بۇزىلىپ جولدا قالىپ قويۋىنان باستالعان.

تجم ردو-عا كەلىپ تۇستكەن وپەراتيۆتىك مالىمەتتەر بويىنشا، ءبىر ارنايى وپەراتسيا 23:30 مينۋتتا، ۇزىنكول اۋداندىق وپەراتيۆتىك كەزەكشىگە ۇزىنكولدەن پەتروپاۆلعا بارا جاتقان اۆتوبۋسى بۇزىلىپ، دالادا قالعان 54 تاجىكستان ازاماتى تۋرالى حابار كەلىپ تۇسكەندە باستالعان.

سەيسەنبىگە قاراعان تۇنگى 2:25 ساعاتتا تج ءبولىم قىزمەتكەرلەرى جولاۋشىلاردى تروەبراتسكي كەنتىندەگى مەكتەپكە اپارىپ ورنالاستىرعان.

وسىنداي جاعداي قارابالىق اۋدانىندا دا ورىن العان. كەشە تۇنگى 23:40 ساعاتتا چەليابينسك-رۋدنىي باعىتىندا بۇزىلىپ، توقتاپ قالعان شاعىن اۆتوبۋستا 6 جولاۋشى قالعانى تۋرالى حابار الىسىمەن اۋداندىق تج قىزمەتكەرلەرى ادامداردى ەۆاكۋاتسيالاعان.

23:45 ساعاتتا بارلىق جولاۋشىلار قارابالىق اۋداندىق «جاس تالاپ» ينتەرناتىنا جەتكىزىلىپ ورنالاستىرىلدى.