2017 جىلى الەمدە 262 جۋرناليست قۋدالاۋعا ۇشىراعان
2017 جىلى قىلمىستىق قۋدالاۋعا ۇشىراعان جۋرناليستەر سانى رەكوردتىق كورسەتكىشكە جەتتى – 262 ادام. بۇل تۋرالى سارسەنبى كۇنى جۋرناليستەردى قورعاۋ كوميتەتى (CJP) حابارلادى. ۇيىم مالىمەتى بويىنشا، قۋدالاۋلاردىڭ دەنى ءجۋرناليستىڭ كاسىبي قىزمەتىنە بايلانىستى بولعان. نەگىزىنەن ساياسي وقيعالار تۋرالى جازاتىن جۋرناليستەر قۋدالاۋعا ۇشىراپ وتىرعان.
رەسەيدە - بەس، ۋكراينادا - ءبىر، قازاقستاندا - ەكى، وزبەكستاندا - ءتورت، ءازىربايجاندا - 10, قىرعىزستاندا ءبىر جۋرناليست قىزمەتىنە بايلانىستى قامالعان. ال تۇركيادا 73 جۋرناليست قاماۋدا وتىر.
قازاقستاندا جۋرناليستەر وداعىنىڭ توراعاسى سەيىتقازى ماتاەۆ پەن ونىڭ ۇلى اسەت سوتتالدى. ولاردى مەملەكەت قاراجاتىن ماقساتسىز پايدالاندى دەپ ايىپتادى. 2017 جىلىدڭ جەلتوقسانىندا سەيىتقازى ماتاەۆ بوستاندىققا شىقتى.
تۇركىمەنستاندا 2015 جىلى راديو سۆوبودامەن بايلانىس ورناتقان جۋرناليست ساپارماممەت نەپەسكۋليەۆ رۇقسات ەتىلمەگەن ءدارى ساقتاعانى ءۇشىن سوتتالدى. ونىڭ تاعدىرى ءالى كۇنگە دەيىن بەلگىسىز. وزبەكستاندا جۋرناليست ءارى ادام قۇقىعىن قورعاۋشىلار بوبومۋرود ابدۋلاەۆ، ديلمۋرود سايد، حايوتحان ناسرەددينوۆ جانە يۋسۋف رۋزيمۋرادوۆ قاماۋدا وتىر.
جۋرناليستەردى قورعاۋ كوميتەتى رەسەيدە "نوۆايا گازەتانىڭ" شتاتتان تىس ءتىلشىسى ءالي فەرۋز بەن ۋكراينالىق جۋرناليست رومان سۋشەنكونىڭ قۋدالاۋعا ۇشاراعانى تۋرالى جازدى.
Abai.kz
