وسىدان تۋرا ءجۇز جىل بۇرىن، 1917 جىلدىڭ 13 جەلتوقسانىندا جالپىقازاق سەزىندە الاش اۆتونومياسى قۇرىلىپ، ونىڭ باسقارۋ كەڭەسى – الاش وردا جاريالاندى. سارسەنبى كۇنى وتكەن ءماجىلىستىڭ پلەنارلىق وتىرىسىندا «اق جول» فراكتسياسىنىڭ جەتەكشىسى ازات پەرۋاشەۆ دەپۋتاتتاردى وسىناۋ ايتۋلى داتامەن قۇتتىقتادى.

- بيىلعى جىلى مادەنيەت مينيسترلىگىنىڭ، جەرگىلىكتى اكىمشىلىكتەردىڭ قولداۋىمەن ەلىمىزدىڭ بارلىق ايماقتارىندا الاشقا ارنالعان كونفەرەنتسيالار ءوتىپ، الاش استاناسى بولعان سەمەيدە ءاليحان بوكەيحانعا ەڭسەلى ەسكەرتكىش تۇرعىزىلدى.

ۇلتتىق ارنادا دەرەكتى جانە كوركەم فيلمدەر ءتۇسىرىلىپ، كورسەتىلدى.

اتالمىش داتانى ايقايلاتپاي، توي رەتىندە ەمەس، جۇمىس رەتىندە مازمۇندى اتاپ ءوتۋىمىز كوپشىلىكتىڭ كوڭىلىنەن شىقتى.

وسىعان بايلانىستى، اتسالىسقان مادەنيەت مينيسترلىگى مەن اكىمشىلىكتەرگە، قوعامدىق ۇيىمدارعا ريزاشىلىعىمىزدى ءبىلدىرىپ، بارشامىزدى حالقىمىزدىڭ ازاتتىعى ءۇشىن كۇرەسكەن الاش وردانىڭ 100 جىلدىعىمەن قۇتتىقتايمىز!

الاشتى ۇلىقتاۋ ءبىر عانا 100 جىلدىقپەن شەكتەلمەيدى. ونىڭ ۇستانىمدارى ەلىمىزگە ماڭگى قىزمەت ەتەدى. بابالارىمىزدىڭ ۇلى ارمانىن ىسكە اسىرۋ - ەلباسىنىڭ جەتەكشىلىگىمەن تەك ءبىزدىڭ زامانداستارىمىزعا بۇيىرعان ەكەن. ەندى ساناۋلى كۇندەردەن سوڭ سول تاۋەلسىزدىك كۇنىن اتاپ وتەمىز.

ەلىمىز وركەندەپ، تاۋەلسىزدىك ماڭگى بولسىن!

حالقىمىزعا اماندىق، جۇرتىمىزعا تىنىشتىق تىلەيمىز، - دەدى دەپۋتات ءوز سوزىندە.

Abai.kz