ەلوردانىڭ ءتارتىپ ساقشىلارى «بورىشكەر» جەدەل-الدىن الۋ شاراسى اياسىندا جالپى سوماسى 18 ملن تەڭگەگە 1 536 اكىمشىلىك قۇقىق بۇزۋشىلىقتى ءوندىردى، دەپ حابارلايدى اباي اقپارات اگەنتتىگى.

قالادا قاراشانىڭ 27 مەن 30 ارالىعىندا «بورىشكەر-2017» جەدەل-الدىن الۋ شاراسى وتكىزىلىپ جاتىر. اتالعان شارا اكىمشىلىك قۇقىقبۇزۋشىلىق تۋرالى قاۋلىلاردىڭ ورىندالۋى مەن سالىنعان ايىپپۇلدىڭ ۋاقىتىلى تولەنۋىن قامتاماسىز ەتۋدى كوزدەيدى.

بۇگىنگى كۇنى «سەرگەك» بەينەكەشەنى جۇيەسىمەن 7 مىڭعا جۋىق اكىمشىلىك قۇقىقبۇزۋشىلىق ايقىندالدى. اتالعان اكتسيا باستالعالى 2 281 اكىمشىلىك ايىپپۇل بورىشكەرى ىرىكتەلىپ، ايىپپۇلدى تولەۋ قاجەتتىگى تۋرالى حابارلاما الدى.

«جالپى سوماسى 18 ملن تەڭگەگە جۋىق 1 536 اكىمشىلىك قۇقىق بۇزۋشىلىقتى ايىپپۇلى ءوندىرىلدى»، - دەلىنگەن قالالىق ءىىد ءباسپاسوز قىزمەتى تاراتقان حابارلامادا.

ايتا كەتەيىك، ەلوردالىق پوليتسەيلەر اعىمداعى جىلدىڭ 10 ايىندا 255 مىڭنان استام اكىمشىلىك قۇقىقبۇزۋشىلىقتى انىقتادى. ونىڭ 196 860 اكىمشىلىك ءىس بويىنشا قاۋلى نەگىزىندە 2,25 ملرد تەڭگە ايىپپۇل سالىندى. بۇگىنگە دەيىن ونىڭ 1,1 ملرد تەڭگەسى ءوندىرىلدى.

ءتارتىپ ساقشىلارىنىڭ مالىمەتىنشە، ايىپپۇل تۋرالى ۇيعارىم العان كولىك يەسى قارىزىن بىرنەشە تاسىلمەن تولەي الادى. اتاپ ايتقاندا، ەكىنشى دەڭگەيلى بانكتەر مەن «قازپوشتانىڭ» ەسەپ-كاسسا بولىمدەرى نەمەسە egov.kz پورتالى ارقىلى قولما-قول اقشاسىز بانك كارتاسىنىڭ كومەگىمەن تولەم جاساي الادى.

Abai.kz