ۇلتتىق وپەراتور «قازترانسگاز» اق «قوستاناي وبلىسىنىڭ ەلدى مەكەندەرىن گازداندىرۋ جانە گاز تاراتۋ جەلىلەرىن جاڭعىرتۋ» ينۆەستيتسيالىق جوباسى اياسىندا قارابالىق اۋدانىنداعى ۆوروشيلوۆكا اۋىلىنىڭ تۇرعىندارى گازعا قوسىلدى. بۇل تۋرالى اباي اقپارات اگەنتتىگى حابارلايدى.

كوگىلدىر وتىندى قوسۋعا ارنالعان سالتاناتتى شاراعا قوستاناي وبلىسى اكىمىنىڭ ءبىرىنشى ورىنباسارى عاۋەز نۇرمۇحامبەتوۆ پەن «قازترانسگاز ايماق" اق باس ديرەكتورىنىڭ ورىنباسارى مۇقان سادۋاقاسوۆ قاتىستى.

اتالعان نىساننىڭ قۇرىلىسى بارىسىندا 6,9 كم تارتا كوشەارالىق گاز قۇبىرلارى سالىندى. ەلدى مەكەندەگى تۇرعىندار سانى 495 ادام. اۋىلداعى 155 جەكە ءۇيدىڭ 49-ى گازعا قوسىلعان، تاعى 4 ۇيدەگى مونتاج جۇمىستارى تولىعىمەن اياقتالدى. بۇعان قوسا ۆوروشيلوۆكادا 4 دۇكەن، 1 مەكتەپ پەن مادەنيەت ءۇيى بار.

قوستاناي وبلىسى اكىمىنىڭ ءبىرىنشى ورىنباسارى عاۋەز نۇرمۇحامبەتوۆ ءوز سوزىندە: «حالىقتىڭ ءال-اۋقاتىن ارتتىرۋ — ءبىزدىڭ باستى ماقساتىمىز. سوندىقتان ۆوروشيلوۆكا سەكىلدى تۇرعىندار سانى از اۋىلداردىڭ گازعا قوسىلۋىندا ۇلكەن ءمان بار. ءبىرىنشى كەزەكتە اۋا تازارادى، تۇرعىندار كومىر تاسىپ، اعاش جارۋدان قۇتىلادى. دەمەك، وزگە ماڭىزدى شارۋالارعا كوبىرەك ۋاقىت بولىنەدى. بۇل قازىرگىدەي اۋىر كەزەڭدە اسا ماڭىزدى. «قازترانسگاز» كومپانياسى ۇلكەن جۇمىس اتقاردى. ەكى جىلدا وبلىستا 600 كم گاز قۇبىرى سالىنادى، 50 مىڭنان استام تۇرعىنى بار 8 ەلدى مەكەنگە گاز بەرىلەدى. وسىنىڭ ارقاسىندا گازعا قوسىلعان حالىق سانى 10% ارتادى»، - دەپ ايتتى.

«قازترانسگاز ايماق" اق باس ديرەكتورىنىڭ ورىنباسارى مۇقان سادۋاقاسوۆ: «ەلباسىنىڭ تاپسىرماسى بويىنشا ەلىمىزدى گازداندىرۋدىڭ باس جوسپارى بەكىتىلدى. وسى جوسپاردى جۇزەگە اسىرۋ اياسىندا ۇلتتىق وپەراتور «قازترانسگاز» بىلتىر قاشار مەن وكتيابر كەنتتەرىن گاز جۇيەسىنە قوستى. بيىل سىزدەردىڭ اۋىلدارىڭىزدان بولەك توعىزاق، انتونوۆكا، الچانوۆكاعا گاز بەرىلەدى. جوباعا ساي اۋىل ىشىندەگى قۇبىرلاردى «قازترانسگاز ايماق" اق ورناتتى. ءاربىر ابونەنتتىڭ ءۇيىنىڭ الدىنا گاز قۇبىرى كەلىپ تۇر. ال ونى ۇيگە جالعاۋ، گاز جابدىقتارى مەن ەسەپتەۋىش قۇرالداردى ورناتۋ جۇمىستارىمەن قىزمەت كورسەتەتىن مەكەمەلەر اينالىسادى».

Abai.kz