«بيزنەستىڭ جول كارتاسى — 2020» باعدارلاماسى اياسىندا جاستاردىڭ كاسىپكەرلىك الەۋەتىن انىقتاۋ، وسكەلەڭ ۇرپاقتى جەكە كاسىپ اشۋعا باۋلۋ، جاس كاسىپكەرلەردىڭ بىلىكتىلىگىن كوتەرۋ ماقساتىندا وڭىرلىك كاسىپكەرلەر پالاتاسىنىڭ ۇيىتقى بولۋىمەن اقتوبە وبلىسىندا «جاس كاسىپكەر مەكتەبى» جوباسى جالعاسىن تاپتى.

2015 جىلدان باستاپ «اتامەكەن» ۇلتتىق كاسىپكەرلەر پالاتاسى جۇزەگە اسىرىپ كەلە جاتقان جوبانىڭ كەلۋشىلەرگە بەرەرى كوپ.  «جاس كاسىپكەر مەكتەبى» جوباسى — جاستاردى كاسىپكەرلىك نەگىزدەرىنە وقىتۋ، بيزنەس-جوسپاردى ازىرلەۋدە كەڭەس بەرۋ، «باستامالار جارمەڭكەسى» سايىسىن ۇيىمداستىرۋ، اتالعان بايقاۋدا ۇزدىك تانىلعان بيزنەس-جوبالاردى قارجىلاندىرۋعا مۇمكىندىك الۋعا جول اشادى.

18-29 جاس ارالىعىنداعى ازاماتتار قاتىسا الاتىن جوباعا بيىل سۇرانىس بىلدىرگەندەردىڭ سانى 70-كە جۋىق. ولاردىڭ كوپشىلىگى — ستۋدەنتتەر.

— جوباعا قاتىسۋشىلار ساباق كەزىندە كاسىپكەرلىك قىزمەت تۇرلەرى نەگىزدەرى مەن بيزنەس-جوسپار ازىرلەۋ بويىنشا وقۋ-ادىستەمەلىك ماتەريالدارىن، سونىمەن قاتار، شاعىن كاسىپ اشۋعا قاجەت انىقتامالىقتاردى الا الادى. «جاس كاسىپكەر مەكتەبى» جوباسى اياسىندا بيزنەس-جوسپاردى ءساتتى قورعاعان قاتىسۋشىلارعا كۋالىكتەر تاپسىرىلادى، — دەيدى بيزنەس-جاتتىقتىرۋشى بەكجان اساۋحان.

اتالعان كۋالىك «بيزنەستىڭ جول كارتاسى — 2020» باعدارلاما اياسىندا قارجىلاي گرانت الۋ بايقاۋىنا قاتىسۋعا مۇمكىندىك بەرەدى.

ايتا كەتەيىك، وقىتۋ كۋرسى ەكى اپتاعا سوزىلادى.

ايبەك تاسقاليەۆ

Abai.kz