قاراعاندى ​​وبلىسىندا تەمەكى تارتۋعا سالىنعان تىيىمدى بۇزعان شىلىمقورلارلاردىڭ ارقاسىندا بيۋجدەت 44 ميلليوننان استام تەڭگەگە تولىقتى.

بۇل تۋرالى قاراعاندى ​​وبلىستىق ىشكى ىستەر دەپارتامەنتىنىڭ جەرگىلىكتى پوليتسيا قىزمەتى حابارلادى.

جىل باسىنان بەرى قاراعاندى ​​وبلىسىندا بەلگىلەنبەگەن ورىنداردا تەمەكى شەككەنى ءۇشىن 8077 ادام اكىمشىلىك جاۋاپكەرشىلىككە تارتىلدى. نەگىزى، ادامدار ءۇيدىڭ دالىزدەرىندە، جاپپاي دەمالىس ورىندارىندا جانە مەملەكەتتىك ۇيىمداردا تەمەكى شەگىپ، ءجيى زاڭ بۇزادى.

ماسەلەن، جاپپاي دەمالىس ورىندارىندا — تەاترلار، كينوتەاترلار، كونتسەرت زالدارى، تۇنگى كلۋبتار، مۇراجايلار، كىتاپحانالار جانە تاعى باسقا ورىنداردا تەمەكى شەككەنى ءۇشىن وبلىستىڭ 934 تۇرعىنى جاۋاپكەرشىلىككە تارتىلدى. مەملەكەتتىك ۇيىمداردا تەمەكى شەككەنى ءۇشىن — 885 ادام، وقۋ ورىندارىندا — 928 ادام، قۇقىق بۇزۋشىلاردىڭ باسىم بولىگى ءۇي دالىزدەرىندە تەمەكى شەگۋدى ۇناتاتىندار قۇرايدى- 5280 ادام.

قر اكىمشىلىك قۇقىق بۇزۋشىلىق تۋرالى كودەكسىنىڭ 441-بابىنا سايكەس، جەكەلەگەن قوعامدىق ورىنداردا تەمەكى بۇيىمدارىن تۇتىنۋعا تىيىم سالۋدى بۇزعانى ءۇشىن ايىپپۇل 3 ايلىق ەسەپتىك كورسەتكىشتى قۇرايدى (1 اەك — 2269 تەڭگە), ياعني 6807 تەڭگە. ەگەر بۇزۋشىلىق قايتالانسا، ايىپپۇل 6 ايلىق ەسەپتىك كورسەتكىشكە ءوسىپ، 13 614 تەڭگەنى قۇرايدى.

تاقىرىپقا تۇزدىق بولسىن، قازىر تەمەكى ونىمدەرىنىڭ اكتسيز مولشەرلەمەسى ورتالىق ازيا ەلدەرىندە ءارتۇرلى. 1 مىڭ  تەمەكىگە ول قازاقستاندا 8,5 دوللاردى قۇرايدى. قىرعىزستاندا  3,2 پايىزدىق اكتسيزدىك مولشەرلەمەدەن باسقا  بولشەك باعانىڭ 7 پايىزى كولەمىندە الىم الىنادى. ال  تاجىكستاندا ول  1 دوللاردى قۇراسا،  وزبەكستاندا جەرگىلىكتى ونىمدە  6  پايىز، يمپورتتىق ونىمدە 13 پايىز كولەمىندە بەلگىلەنگەن.  2005 جىلعى دەرەك بويىنشا ەڭ تومەنگى اكتسيزدىك مولشەرلەمە   1 مىڭ دانا تەمەكىگە ۇلىبريتانيادا - 264, فرانتسيادا - 181, گەرمانيادا -  162, يتاليادا - 109, اقش-تا - 108, بولگاريادا - 100, رۋمىنيادا - 90, تۇركيادا -  88, ليتۆادا - 86, جاپونيادا - 72 دوللاردى قۇرايدى. دۇنيەجۇزىلىك دەنساۋلىق ساقتاۋ ۇيىمى وزگە ەلدەرگە بولشەك ساۋدادا ونى   70 دوللارعا جەتكىزۋدى ۇسىنىپ وتىر.

قازىر الەمدە جىل سايىن 70 ميلليارد دوللاردىڭ تەمەكى ونىمدەرى ساتىلاتىنىن ەسكەرسەك، نارىقتاعى زاڭسىز ءونىمنىڭ ۇلەسى ايتارلىقتاي ەكەنىن اڭعارۋعا بولادى. بۇگىنگى تاڭدا ول ەۋروپالىق وداقتىڭ  بىرقاتار ەلدەرىندە 40 پايىزدى، ال قازاقستاندا 2 پايىزدى قۇرايدى.  1 مىڭ دانا تەمەكىگە دە تمد  ەلدەرى ونىڭ مولشەرلەمەسىن  70 دوللارعا كوتەرگەن جاعدايدا وعان جۇمسالاتىن جەكە تابىستىڭ ۇلەسى   2015 جىلى  رەسەيدە 1,4 پايىز;  قازاقستاندا 1,7 پايىز،  بەلارۋستە    2,5 پايىز، ءازىربايجاندا   3,1 پايىز،  ۋكراينادا  3  پايىزدى قۇراۋى  مۇمكىن. ساراپشىلاردىڭ پايىمداۋىنشا،  1-1,7 پايىز ارالىعى قاۋىپتى، ال ودان جوعارى بولسا قاتەرلى دەپ سانالادى. ويتكەنى الەمدىك تاجىريبەدە شىعىن كولەمى ارتقان سايىن   زاڭسىز ءونىمدى تۇتىنۋ دەڭگەيى وسە تۇسەتىنىن كورسەتىپ وتىر. ماسەلەن ەۋرووداقتا 2010 جىلى ونىڭ دەڭگەيى  ليتۆادا - 42,5,  لاتۆيادا - 42, بولگاريادا - 32, ەستونيادا - 18, پولشادا -10,2, ۆەنگريادا - 5 پايىزدى قۇراعان.

Abai.kz