Aktau Petrol Ticaret A.S. كومپانياسىنا قاتىستى تورەلىك سوت شەشىمى 13 قاراشادا شىقتى. سوت سالىنعان ينۆەستيتسيانىڭ بارلىعىن دەرلىك قايتارىپ بەرۋىن تالاپ ەتىپ وتىر. بۇل ىسكە قاتىستى تىڭداۋلار بيىل پاريج قالاسىندا وتكەن.

2015 جىلى Aktau Petrol Ticaret A.S. جانە Som Petrol A.S. تۇرىك كومپانيالارى ينۆەستيتسيالىق داۋلاردى رەتتەۋگە ارنالعان حالىقارالىق ورتالىققا (ICSID) قازاقستان ۇستىنەن شاعىم ءتۇسىردى. "تۇرىك كومپانيالارى قازاقستاننىڭ اقتاۋ پورتىندا مۇناي ءونىمىن تاسۋعا قاتىستى قىزمەتتەر اتقارعان. ولار مەملەكەتتىك جانە سوت ورگاندارىنىڭ ارەكەتىنە قاتىستى شىعىندى ءوندىرىپ بەرۋىن سوتتان وتىنگەن", - دەپ حابارلادى قازاقستاننىڭ ادىلەت مينيسترلىگى.

رەسمي حابارلاما بويىنشا، تورەلىك جانجال قازاقستاندىق كومپانيالاردىڭ Aktau Petrol كومپانياسىنا قاتىستى سوت شاعىمدارىنان سوڭ شىققان. كەيىن تۇرىك كومپانياسى 150 ميلليون دوللار شىعىندى تالاپ ەتكەن.

«سوتتىڭ العاشقى كەزەڭىندە شىعىن كولەمىن 80 ميلليون دوللارعا دەيىن ءتۇسىرۋ مۇمكىن بولدى. ال Som Petrol A.S. كومپانياسى رەسپۋبليكاعا ارىزىن قايتارىپ العان»، — دەپ حابارلادى مينيسترلىك.

سوت Aktau Petrol Ticaret A.S. تۇرىك كومپانياسىنىڭ "قازاقستاندىق سوت ورگاندارىنىڭ جەمقورلىعى تۋرالى" ۋاجدەرىن قابىلداماي تاستاعان.

Abai.kz