دۇيسەنبى, 20 مامىر 2024
انىق 7495 30 پىكىر 3 قاراشا, 2017 ساعات 11:59

ءƏلىپبي جاساۋ وڭاي، ونى تىلگە قوندىرۋ قيىن

وسى كۇندەرى بايتۇرسىنوۆ اتىنداعى ءتىل ينستيتۋتىنا تاريحىندا ايتىلماعان سىن ايتىلىپ، ايىپ تاعىلىپ جاتىر.

بۇنىمىز عايبات ايتۋ. ينستيتۋتتا ونداعان، اينالاسىندا جۇزدەگەن ەل پاتريوتى، عالىم، اتا-انا، قازاق ازاماتى قىزمەت ەتەدى. ءبəرىنىڭ دەرلىك ويى بىزدىكىنە جاقىن. ولاردى قارعاپ-سىلەۋ، باسقا دا عايبات سوزبەن بالاعاتتاۋدىڭ قاجەتى جوق. ايتىلسا - ناقتى ادامداردى اتاۋ قاجەت. بىرەن-ساران عالىمعا بولا بىلدەي ءبىر ينستيتۋتتى نەمەسە عىلىمدى جوققا شىعارۋدىڭ قاجەتى جوق.

سوڭعى ەكى - قىركۇيەك جəنە قازان - نۇسقاعا ينستيتۋتتىڭ قاتىسى شامالى.
تامىز ايىنان بەرى جۇمىس توبى جينالعان ەمەس. ينيتسياتيۆا استانالىق توسىن توپقا ءوتىپ كەتتى. مəسەلە وسىدا.

عالىمدارعا ءبىر عانا ءوتىنىش ايتۋعا بولادى: ويلارىڭىزدى جاسىرماي اشىق ايتىڭىزدار دەگەن. قالعانى əركىمنىڭ ارى مەن وجدانىنىڭ شارۋاسى. بəرىنە ۋاقىت پەن تاريح تورەشى.

***

ەكىنشى جاعى بار مəسەلەنىڭ. ينستيتۋت جۇمىسى ءبىراز ۋاقىت بويى قارجىلانباعان. بۇل əدەيى تىرلىك پە باسقا ما بىلمەيمىن.
عالىمدارىمىز اراسىندا ساباق بەرىپ نəپاقا تاپپاعاندا اكادەميانىڭ ماڭىنداعى تالداردان بوتقا جاساۋعا كوشەر ەدى.

ەندى وسى عالىمدار ەكى جىل بويى ءتىل زاڭدارىن قايتا جازىپ شىعۋى كەرەك. بۇل وتە ۇلكەن ەڭبەك، وراسان جۇمىس. بۇل جۇمىس ءəلىپبي اۆتورلارىنىڭ قولىنان كەلمەيدى. بۇنى كومپيۋتەرشىلەر جاساي المايدى. شەتەلدەن ساراپشى تابا المايسىڭ.
جاساسا تەك ءوز ءتىل عالىمدارىمىز جاساي الادى!

ال ءجۇنى جىعىلعان، رۋحى سىنعان، موتيۆاتسياسى جوق عالىمداردان نە قايىر؟ ءƏلىپبي جاساۋ وڭاي، ونى تىلگە قوندىرۋ قيىن. مەن دە وتىرىپ، كەز-كەلگەن ءتىلدىڭ ءəلىپبيىن جاساي الامىن. بىراق ونى سول ءتىل قابىلداي ما؟ ول تىلگە ساي بولا ما؟

***

بيلىكتەگى اعايىنعا تالاپ-ءوتىنىش:
جاقىن ارادا عالىمداردىڭ مəسەلەسىن شەشىڭىزدەرشى!

ولارمەن كەزدەسىپ، ءبəرىنىڭ باسىن قوسىپ، جولدارىن ايتىپ، ءجون سۇراپ، الدىنان وتىڭىزدەر.
مəسەلە ەش بىتكەن جوق. مىنا əلىپبيگە تالاي وزگەرىس ەنەدى. ەرتەڭ اق ەنەدى. ءƏلىپبي قۇران ەمەس ويتكەنى.

ەگەر ەرتەڭ مازاق بولمايىق، بار ابىرويدان ايرىلمايىق دەسەك، عالىمدارعا ارقا سۇيەڭىزدەر. عىلىمي نەگىزگە ارقا سۇيەڭىزدەر! سوندا قاتەلەسپەيمىز.

حالىققا كەرەگىن - حالىقتان، عالىمنان سۇراڭىزدار. قازاق مازاق ەمەس.

ايدوس سارىم

Abai.kz

30 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2167
ادەبيەت

«سولاي ەمەس پە؟»

عابباس قابىشۇلى 2570
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2446
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1671