سەيسەنبى, 7 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
1932 0 پىكىر 5 قازان, 2017 ساعات 09:10

تۇرمەدە وتىرعان تاجىك ادۆوكاتى ەروۆ كارتسەرگە اۋىستىرىلدى

ۇزاق جىلعا سوتتالعان تاجىك ادۆوكاتى بۋزۋرگمەحر يوروۆ "رەجيمدى بۇزدى" دەگەن سەبەپپەن تەرگەۋ يزولياتورىنىڭ كارتسەرىنە اۋىستىرىلعان. جازاسىن وتەۋشى وندا 15 تاۋلىك بويىندا وتىراتىن بولادى دەپ حابارلادى دۋشانبە قالاسى N 1 تۇرمە باسشىسى سادريددين شاريفزودا.

"تەرگەۋ اباقتىسىندا وتىرعان ۋاقىتتان بەرى ول ءتارتىپتى بىرنەشە رەت بۇزدى. سوڭعى رەت تاعى دا ەسكەرتۋ العاننان كەيىن، ول كارتسەرگە قامالدى" دەيدى تۇرمە باسشىسى. بىراق قانداي ءتارتىپتى بۇزعانىن ناقتى ايتپادى.

الايدا بۋزۋرگمەحر يوروۆتىڭ تۋىستارى ادۆوكاتتى باق-قا ءوزىن تۇرمە قىزمەتكەرلەرىنىڭ سوققىعا جىققانىن جاريالاعان سوڭ جازالاپ وتىر دەيدى. بۋزۋرگمەحردىڭ اناسى ۇلىن تۇرمەدە ۇنەمى ۇراتىنىن حابارلاعان.

بىرەر كۇن بۇرىن Human Rights Vision Foundation حالىقارالىق ۇيىمى بۋزۋرگمەحر يوروۆتىڭ دەنساۋلىعىنا الاڭداۋشىلىعىن ءبىلدىرىپ، بيلىكتەن ونى بوساتۋدى تالاپ ەتتى.

بۋزۋرگمەحر يوروۆ 2015 جىلدىڭ 28 قىركۇيەگىندە ۇستالىپ، وعان "الاياقتىق جاسادى", "جالعان قۇجاتتار ازىرلەۋمەن اينالىستى" دەگەن ايىپتار تاقتى. دۋشانبە سوتى بىلتىر 6 قازاندا يوروۆتى ايىپتى دەپ تاۋىپ، 23 جىللعا باس بوستاندىعىنان ايىرۋ تۋرالى ۇكىم شىعاردى. بيىل ناۋرىز ايىندا ادۆوكاتتىڭ جازاسىنا تاعى دا 2 جىل قوسىلدى. بىرنەشە ۋاقىت وتكەننەن كەيىن يوروۆتى ەل پرەزيدەنتىنە ءتىل تيگىزدى دەگەن ايىپپەن جازاسىنا تاعى ءۇش جىل قوستى. ءبارىن قوسقاندا ادۆوكاتقا 28 جىل تۇرمە جازاسى كەسىلگەن.

Abai.kz

0 پىكىر