سەنبى, 11 شىلدە 2020
COVID-19 قازاقستاندا. جۇقتىرعاندار — 56455. جازىلعاندار — 32500. قايتىس بولعاندار — 264
اقمىلتىق 2096 1 پىكىر 4 قازان, 2017 ساعات 14:02

استانادا استانا مەديا اپتالىعى ءوتىپ جاتىر

 

ەلiمiزدە تۇڭعىش رەت استانا مەديا اپتالىعى ءوتىپ جاتىر. اپتالىققا بۇگىن 100-گە جۋىق پروداكشن ستۋديا قاتىسۋدا. "بىزدە وسىنشا پروداكشن كومپانيالاردىڭ بار ەكەندىگىنە تاڭقالىپ تۇرمىن", - دەدى   قر اقپارات جانە كوممۋنيكاتسيالار مينيسترi داۋرەن اباەۆ تىلشىلەرگە بەرگەن شاعىن سۇحباتىندا.

«ءبىزدىڭ تەلەارنالار پروداكشن كومپانيالاردىڭ كونتەنتتەرىن زەردەلەۋ جۇمىستارىنا بەلسەنە قاتىسقانىن قالايمىن. قازىرگى ۋاقىتتا پروداكشن كومپانيالاردىڭ تەلەارنالار باسشىلىعىنا شىعۋى قيىن ەكەندىگىن بىلەمىن.   ال بۇل شارا تەلەارنالارمەن جانە ستۋديالارمەن تىكەلەي سۇحباتتاسۋ مۇمكىندىگى. بۇگىن پروداكشن ستۋديالار ءوز ونىمدەرىن بىزگە تىكەلەي تانىستىرا الادى»، – دەپ مينيستر اپتالىقتىڭ جاي-جاپارىنا توقتالا كەتتى.

سونىمەن قاتار، داۋرەن اباەۆ باق وكىلدەرىنىڭ وتاندىق پروداكشن ستۋديالاردىڭ وزگە ەلدەرمەن سالىستىرعاندا قانشالىقتى دامىعاندىعىنا قاتىستى ساۋالعا جاۋاپ بەردى.

«مەنىڭ ويىمشا، رەسەيلىك برەندتەرمەن سالىستىرۋ دۇرىس ەمەس. نارىق مۇلدەم باسقا. بۇگىنگى شاراعا 93 پروداكشن ستۋديانىڭ قاتىسىپ جاتقانىنا تاڭعالدىق. بىزدە مۇنشالىقتى كوپ ستۋديانىڭ بار ەكەندىگىن دە بىلمەدىك. سوندىقتان دا بۇل شارا اتالعان سالانىڭ دامۋىنا تىڭ سەرپىن بەرەرى ءسوزسىز»، – دەيدi اباەۆ.

ءمينيستردىڭ ايتۋىنشا، قازمەديا ورتالىعى دامۋدىڭ العاشقى كەزەڭىنەن تابىستى ءوتىپ، بۇگىندە بارلىق ستۋدياسى جۇمىس ىستەپ تۇر.

«ەندى بۇل جۇمىستارعا كورشىلەرىمىز، سەرىكتەستەرىمىز بەلسەنە قاتىسقانىن قالايمىز. بىزگە شەتەلدiك سەرىكتەستەرىمىز كەلىپ، وسىناۋ الاڭدى، ستۋديالاردى فيلمدەر تۇسىرۋگە پايدالانعانى ءجون بولار ەدى. بۇل ءوزارا ءىس-قيمىلعا جاقسى بولادى. ارينە، ونىڭ بارلىعى اقىلى نەگىزدە جۇرگىزىلەدى. ءبىز قازمەديا ورتالىعىن ودان ارى دامىتۋعا مۇمكىندىك بەرەمىز»، – دەپ تۇيiندەدi داۋرەن اباەۆ.

ءبىر ايتا كەتەرلىگى، پروداكشن ستۋديالاردىڭ ونىمدەرى ورىس تىلىندە كورىنەدى. ۇلتتىق ارناعا ءوز ونىمدەرىن ۇسىنىپ جۇرگەن ستۋديا جەتكەشىلەرىدە مىسالى،  تانىستىرۋ سوزدەرىن ورىس تىلىندە ايتىپ جاتقانىن قۇلاعىمىز شالدى. ايتپاقشى، مينيستر داۋرەن اباەۆ ەرتەڭ مەملەكەتتىك تىلدە اقپارات تاراتاتىن سايت باسشىلارىمەن كەزدەسەدى دەپ كۇتىلۋدە.

ءادينا جاۋجۇرەك

Abai.kz

1 پىكىر