جەكسەنبى, 14 تامىز 2022
ايبىن 1975 0 پىكىر 17 تامىز, 2017 ساعات 13:22

وتانعا جاساعان قىزمەت ومىردەن وشپەيدى

 

«ءبىزدىڭ زامانداستار 30 جىلدان استام ۋاقىتىن وتانعا قىزمەت ەتۋگە ارناعان» ۇلتتىق ۇلاننىڭ 3660 اسكەري بولىمىندە وتكەن وفيتسەرلىك جيىندا اعا تالىمگەرلەر وسى ءبىر ءسوزدى ەرەكشە لەپپەن ايتتى.

تاياۋدا، ۇلتتىق ۇلاننىڭ وفيتسەرلىك جيىنى ءوتىپ،  وعان اقمولا گارنيزونى اسكەري پروكۋراتۋراسىنىڭ اعا پروكۋرورى، ادىلەت كاپيتانى بەردىبەك سەيدۋللا، اسكەري ءبولىم ارداگەرلەر كەڭەسىنىڭ توراعاسى، زاپاستاعى پولكوۆنيك يۋلسۋر زاريپوۆ جانە اسكەري ءبولىم باسشىلىعى مەن وفيتسەرلىك قۇرام قاتىستى دەپ حابارلايدى اباي-اقپارات.

شارا بارىسىندا جاستاردى قازاقستاندىق پاتريوتيزم رۋحىندا تاربيەلەۋ تۋرالى ءسوز قوزعالدى. سونداي-اق، اسكەري بولىمگە جاڭا كەلگەن جاس وفيتسەرلەر تانىستىرىلدى.

«بۇگىنگى تاڭدا وفيتسەرلىك قۇرام زامانعا ساي، وفيتسەر بىلىكتى، ءبىلىمدى ءارى ءوز ءىسىنىڭ شەبەرى بولۋى ءتيىس. ۇلتتىق ۇلان وفيتسەرلەرىنىڭ بويىندا وسىنداي قاسيەتتەر بار. دەسە دە، جەكە قۇرامدى باسقارۋ ەكىنىڭ ءبىرىنىڭ قولىنان كەلە بەرمەيدى. ول ءۇشىن جاس وفيتسەر تاباندى ەڭبەك ەتىپ، كاسىبي بىلىكتىلىگىن كۇننەن-كۇنگە ارتتىرۋى كەرەك. «ۇلكەندىك – ادام ىشىنەن ءوز-ءوزىن باعالى ەسەپ قىلماق» دەپ اباي قۇنانبايۇلى ايتقانداي، ءار جاس لەيتەنانت وزىنەن ەسەپ الىپ، جەكە قۇرامعا ۇلگى بولۋى ءتيىس»، – دەدى ءوز سوزىندە اسكەري ءبولىم كومانديرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى، مايور تيمۋر راحيموۆ.

بۇدان سوڭ ءبولىمنىڭ باس تالىمگەرى ورتاعا 2017 جىلى اسكەري وقۋ ورنىن بىتىرگەن لەيتەنانتتاردى شاقىردى. پارادتىق كيىم كيگەن جاس ساردارلار نىق قاداممەن وفيتسەرلەر قۇرامىنىڭ الدىنا شىقتى. ولار وزدەرىن قىسقاشا تانىستىرىپ، اسكەري قىزمەتتى ءمىنسىز اتقارۋعا جانە وتاندى قورعاۋ ىسىنە ادال بولۋعا، ەل سەنىمىن اقتاۋعا سەرت بەردى.

ايتا كەتۋ كەرەك، اسكەري ۇجىمعا جاڭا قوسىلعان وفيتسەرلەر – ەلىمىزدىڭ جانە رەسەي فەدەراتسياسى جوعارى اسكەري ورىندارىنىڭ تۇلەكتەرى. ارداگەرلەر كەڭەسىنىڭ توراعاسى، زاپاستاعى پولكوۆنيك يۋلسۋر زاريپوۆ وفيتسەرلىك جينالىستىڭ ءمانىن ءتۇسىندىرىپ، اسكەري جولدا العاشقى قادامدارىن باستاعان لەيتەنانتتارعا ساتتىلىك تىلەدى.

«وفيتسەرلىك قۇرامعا جاس لەيتەنانتتاردى رەسمي تانىستىرۋ – اسكەرىمىزدىڭ بۇرىننان كەلە جاتقان يگى ءداستۇرى. ءبىزدىڭ زامانداستار 30 جىلدان استام ۋاقىتتى وتانعا قىزمەت ەتۋگە ارناعان. سوناۋ 90-جىلدارى قيىننان قيىستىرا جول تاۋىپ، جەكە قۇرامدى قيىنشىلىقتان الىپ شىققانبىز. ەندى، مىنە، زامانىمىز تۇزەلگەندە سىزدەردىڭ كەزدەرىڭىز كەلدى. ەڭبەكتەن قاشپاي، وتانعا بار جاندارىڭىزدى سالىپ قىزمەت اتقارىڭىزدار. سوندا وفيتسەرلىك ومىرلەرىڭىزدە بارلىعى جاقسى بولاتىنىن بىلەمىن»، – دەدى كونەكوز قاريا.

شارا سوڭىندا وفيتسەرلەر قۇرامى اسكەري جولدىڭ باستاۋىندا تۇرعان لەيتەنانتتار ج. ءارىپوۆ، س. بەردىباەۆ، ا. كوندراتەۆ، ا. كۋلەنوۆ، و. جاقسىلىقوۆتارعا تالىمگەر وفيتسەرلەر بەكىتىلدى.

بەرىك امانحان

Abai.kz

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2270
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2051
ادەبيەت

ءتۇس

ەرعالي باقاش 1734
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2788