جاقىندا قازاقستان حالقى اسسامبلەياسىنىڭ ۇيىمداستىرۋىمەن قازاقستان رەسپۋبليكاسى  پرەزيدەنتىنىڭ جانىنداعى  مەملەكەتتىك باسقارۋ اكادەمياسىندا «قوعامدىق سانانى جاڭعىرتۋ: ءبىلىم بەرۋ، گۋمانيتارلىق، الەۋمەتتىك-مادەني نەگىزدەرى مەن جۇزەگە اسىرۋ تەتىكتەرى» تاقىرىبىنا  ءۇش كۇندىك رەسپۋبليكالىق  سەمينار-ترەنينگ ءوتتى دەپ، حابارلايدى "Abai.kz" اقپاراتتى قپورتالى.

ءىس-شاراعا قحا توراعاسىنىڭ ورىنباسارى  دارحان مىڭباي، قحا مۇشەلەرى، مەملەكەتتىك ورگانداردىڭ، ەتنومادەني بىرلەستىكتەردىڭ، «قوعامدىق كەلىسىم» كمم، باق وكىلدەرى قاتىستى.

سەمينار-ترەنينگتى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى قازاقستان حالقى اسسامبلەياسىنىڭ قولداۋىمەن قازاقستان رەسپۋبليكاسىنىڭ پرەزيدەنتى ەلباسى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا، سونىمەن قاتار قازاقستان حالقى اسسامبلەياسىنىڭ XXV سەسسياسى جۇمىسى قورىتىندىسى بويىنشا بەلگىلەنگەن مىندەتتەر مەن قوعامدىق كەلىسىم جانە جالپىۇلتتىق بىرلىك سالاسىنداعى مەملەكەتتىك ساياساتتى جۇزەگە اسىرۋ تەحنولوگيالارى بويىنشا مەملەكەتتىك قىزمەتشىلەردىڭ كاسىبي ءبىلىمى مەن بىلىكتىلىك دەڭگەيىن ارتتىرۋ شەڭبەرىندە ۇيىمداستىرىپ وتىر.

لەكتورلار رەتىندە قازاقستان رەسپۋبليكاسىنىڭ پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ، قازاقستان رەسپۋبليكاسىنىڭ مادەنيەت جانە سپورت مينيسترلىگى، قازاقستان رەسپۋبليكاسىنىڭ ءبىلىم جانە عىلىم مينيسترلىگى، قازاقستان رەسپۋبليكاسىنىڭ ءدىن ىستەرى جانە ازاماتتىق قوعام مينيسترلىگى، ا.بايتۇرسىنوۆ اتىنداعى ءتىل ءبىلىمى ينستيتۋتى، ر.سۇلەيمەنوۆ اتىنداعى شىعىستانۋ ينستيتۋتى، عىلىمي-ساراپشىلىق كەڭەس مۇشەلەرى جانە قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ پروفەسسور-وقىتۋشىلار قۇرامىنىڭ وكىلدەرى شاقىرىلدى.

تىڭداۋشىلار رەتىندە  ەتنوسارالىق جانە كونفەسسياارالىق قاتىناستار، قوعامدىق كەلىسىم مەن جالپىۇلتتىق بىرلىك سالاسىنداعى مەملەكەتتىك ساياسات ماسەلەلەرىمەن اينالىساتىن مەملەكەتتىك قىزمەتشىلەر، ءدىن ىستەرى، تىلدەردى دامىتۋ باسقارمالارىنىڭ ماماندارى، قۇقىق قورعاۋ ورگاندارىنىڭ قىزمەتكەرلەرى، وبلىستىق قحا حاتشىلىقتارىنىڭ مەڭگەرۋشىلەرى مەن ماماندارى، بارلىق دەڭگەيدەگى ءماسليحات وكىلدەرى، قازاقستان رەسپۋبليكاسى پارلامەنتى ءماجىلىسىنىڭ ماماندارى مەن دەپۋتاتتاردىڭ كومەكشىلەرى قاتىسىپ جاتىر.

رەسپۋبليكالىق سەمينار-ترەنينگ جۇمىسى بارىسىندا مىناداي ماسەلەلەر  اشىلىپ كورسەتىلەدى: «ۇلتتىق كود جانە قوعامدىق سانا»، «قوعامدىق سانانى جاڭعىرتۋ: كونسترۋكتيۆتى  يدەيالار مەن ولاردى شىنايى ومىردە جۇزەگە اسىرۋ جولدارى»، «قوعامدىق سانانى ترانسفورماتسيالاۋ دومينانتاسى»، «لاتىن گرافيكاسى نەگىزىندەگى جاڭا ۇلتتىق ءالىپبي: ماسەلەلەر مەن بولاشاعى»، «تۋعان جەر» باعدارلاماسىنىڭ «رۋحاني قازىنا» باعىتىنىڭ جۇزەگە اسىرىلۋى»، «تۋعان جەر» باعدارلاماسىنىڭ «تاربيە مەن ءبىلىم» باعىتىنىڭ جۇزەگە اسىرىلۋى، «رۋحاني جاڭعىرۋ: تاريحي تاجىريبە مەن داستۇرلەر»، «تاريحي-مادەني مۇرالار بىرەگەيلىكتى قالىپتاستىرۋ نەگىزى رەتىندە»، «مەملەكەتتىك باعدارلامالاردى جۇزەگە اسىرۋداعى جوبالىق مەنەدجمەنت».

سەمينار بارىسىندا  قوعامدىق كەلىسىم مەن جالپىۇلتتىق كەلىسىم ماسەلەلەرى بويىنشا  پىكىر جانە جۇمىس تاجىريبەسىمەن الماسۋ ءۇشىن «قوعامدىق سانانى جاڭعىرتۋ جانە قازىرگى زامان» تاقىرىبىندا پىكىرتالاس الاڭى قۇرىلادى.

ەرعالي بەرىكۇلى

Abai.kz