«بۇگىن وزبەكستان جانە ورتالىق ازيانىڭ ەنەرگەتيكاسى دوڭگەلەك جۇيە بويىنشا جۇمىس ىستەيدى. ءبىز ودان ءارى دە بۇل جۇيەنى كەڭەيتۋ ءۇشىن بارلىق مۇمكىندىكتەر جاسايمىز. قازىر ءبىز اۋعان حالقىنا كومەكتەسۋ ءۇشىن، اۋعانستانمەن جۇمىس ىستەپ جاتىرمىز»، – دەپ اتاپ ءوتتى «وزبەكەنەرگو» ستراتەگيالىق دامۋ باسقارماسىنىڭ باسشىسى ەسو سادۋللاەۆ.

ونىڭ سوزدەرىنشە، كومپانيا CASA-1000 جوباسىمەن جۇمىس ىستەۋدى دە تالقىلاپ جاتىر. بىراق بۇل بويىنشا شەشىمدى وزبەكستان ۇكىمەتى قابىلدايدى.

قازىرگى ۋاقىتتا «وزبەكەنەرگو» جىل سايىن ساعاتىنا 60 ملرد كۆت ەلەكتر ەنەرگيا وندىرەدى. ونىڭ 10 پايىزىن گەس جانە 90 پايىزىن جىلۋ ەلەكتر ستانتسياسى شىعارادى.

بىرىڭعاي ەنەرگەتيكالىق جۇيە سوۆەت وداعى كەزىندە قۇرىلعان. ول وزبەكستان، قازاقستان، تاجىكستان جانە قىرعىزستان ەلدەرىندە ەلەكتر جەتىسپەۋشىلىگىنىڭ بولدىرماۋىنا مۇمكىندىك بەرگەن. بىراق سسسر قۇلاعاننان كەيىن، مەملەكەتتەردىڭ كەلىسپەۋشىلىگىنەن بىرتىندەپ ماڭىزىن جوعالتقان.

Abai.kz