قازاقستان مەن وزبەكستان اسكەري ىنتىماقتاستىق جوسپارىنا قول قويدى
تاشكەنتتە قورعانىس مينيسترلەرى دەڭگەيىندەگى كەزدەسۋدە قازاقستان مەن وزبەكستان اسكەري ىنتىماقتاستىق جونىندەگى كەلىسىمگە قول قويعان. جەرگىلىكتى باق-تىڭ جازۋىنشا، كورشى ەلدەر اراسىندا مۇنداي قۇجات ءبىرىنشى رەت بەكىتىلگەن.
«ينتەرفاكس» اگەنتتىگىنىڭ حابارلاۋىنشا، جوسپارعا سايكەس تاراپتار بىرلەسىپ اسكەري دايىندىقتار وتكىزىپ، ساربازداردىڭ اسكەري ءبىلىمىن كوتەرەدى.
وزبەكستاننىڭ تۇڭعىش پرەزيدەنتى يسلام كاريموۆتىڭ ولىمىنەن كەيىن، ورتالىق ازياداعى ەكى ءىرى مەملەكەت اراسىنداعى بايلانىس نىعايا ءتۇستى. اتاپ ايتقاندا، استانا مەن تاشكەنت بۇعان دەيىن شەكاراداعى وتكىزۋ بەكەتتەرىن كەڭەيتۋ جونىندە كەلىسىمگە كەلگەن.
Abai.kz
