ف.گۇلەن «قىزمەت» مۇشەلەرىن قيىن جاعدايدا قالدىرۋ ءۇشىن جوسپارلانعان وتە استىرتىن تۇزاقتىڭ ۇيىمداستىرىلىپ جاتقانىنا جۇرتتىڭ نازارىن اۋداردى، دەپ حابارلايدى «opennewsportal».

گۇلەن جاقتاستارىنىڭ اسىرەسە 15-شىلدەدەگى قاساقانا ۇيىمداستىرىلعان جوسپارلى توڭكەرىستىڭ سالدارىنان وسى كۇنگە دەيىن تارتىپ كەلە جاتقان تاۋقىمەتتەرىن ودان سايىن ارتتىرا تۇسەتىن استىرتىن تۇزاققا جۇرتتىڭ نازارىن اۋدارعان ف.گۇلەن ءوز سوزىندە الداعى كۇندەردە بىرنەشە جوعارى لاۋازىمدى ادامدى ءولتىرۋ جوسپارلانىپ جاتقانىن جانە ونى حالىقارالىق قاۋىمداستىقتاردى سەندىرۋ ءۇشىن قولدانىلاتىنىن ءارى «ونى قىزمەت مۇشەلەرى جاسادى» دەپ قىزمەتكە جالا جابىلاتىنىن تىلگە تيەك ەتتى.

ف.گۇلەننىڭ پىكىرىنشە، وتە قۇپيا تۇردە تالقىلانىپ جاتقان استىرتىن ارەكەتتىڭ تۇپكى ماقساتى وتە ماڭىزدى كىسىلەردى ءولتىرۋ ارقىلى تۇركيادا ۇلكەن بۇلىك شىعارۋ جوسپارلانىپ جاتىر. سونداي-اق «15-شىلدەدەگى توڭكەرىستىڭ ساياسي ويىن» ەكەنىن ايتىپ جۇرگەن شەتەلدىكتەردى سەندىرۋ ءۇشىن بۇكىل شايتاني جوسپارلارىن جۇزەگە اسىرۋعا دەيىن باراتىندىعىن العا تارتتى. سونىمەن قاتار «ءۇشىنشى شايتاني كەزەڭ» دەپ اتالعان بۇل كەزەڭنىڭ بۇعان دەيىنگىلەردەن دە ۇلكەن زۇلىمدىقتاردى تۋدىراتىنىنا باسا نازار اۋداردى.

Abai.kz