بۇگىن استاناداعى  ەكسپو قالاشىعىنىڭ اۋماعىندا قازاقستان رەسپۋبليكاسى ەنەرگەتيكا مينيسترلىگى، استانا قالاسى مەن الماتى وبلىسىنىڭ اكىمدىكتەرى، «وپەراتور روپ» جشس مەن قازاقستاننىڭ ەكولوگيالىق ۇيىمدارى ءوزارا ىنتىماقتاستىق تۋرالى مەموراندۋمعا قول قويدى, - دەپ حابارلايدى الماتى وبلىسى əكىمىنىڭ ءباسپاسوز قىزمەتى.

كەزدەسۋدە استانا قالاسىنىڭ əكىمى Əسەت يسەكەشەۆ ءسوز الىپ، بۇگىنگى كۇنى تۇرعىندارىنىڭ سانى 1 ميلليوننان اسقان باس قالا ءۇشىن اتالمىش كەلىسىمنىڭ ماڭىزى زور ەكەنىن اتاپ ءوتتى. سول سياقتى ەنەرگەتيكا ۆيتسە-ءمينيسترى باقىتجان جاقساليەۆ تە əرىپتەستىك بايلانىستاردىڭ وزەكتىلىگىن تىلگە تيەك ەتتى.

وسى باسقوسۋدا الماتى وبلىسىنىڭ əكىمى اماندىق باتالوۆ وڭىردەگى قوقىستى جيناۋ مەن وڭدەۋ جاعدايى، الداعى جوسپارلار جايىنا توقتالدى.

- الماتى وبلىسى حالقىنىڭ سانى 2 ميلليونعا جەتتى. وعان قوسا وبلىس الماتىداي ۇلكەن مەگاپوليسپەن ىرگەلەس ورنالاسقان. سوندىقتان قالدىقتاردى جيناۋ، سۇرىپتاۋ، تاسىمالداۋ، وڭدەۋ ءىسىن جولعا قويۋ - ءبىز ءۇشىن اسا قاجەت شارا. ءبىز «الماتى وبلىسىندا قالدىقتاردى باسقارۋدىڭ ايماقتىق جۇيەسىنىڭ» تەن-ءىن əزىرلەدىك. وندا مەملەكەتتىك-جەكەمەنشىك سەرىكتەستىك مەحانيزمىن قولدانۋ ارقىلى 14 ايماقتىق كەشەندەردىڭ بىرىڭعاي وپەراتورىن قۇرۋ قاراستىرىلادى. اتاپ ايتقاندا، سونىڭ اياسىندا 16 قوقىس سۇرىپتاۋ كەشەنى، 13 قوقىس تيەۋ ستانتسياسى، 16 پوليگون، 3 قوقىس وڭدەۋ زاۋىتىنىڭ قۇرىلىسى جۇزەگە اسىرىلۋى ءتيىس. وسىنىڭ نəتيجەسىندە 500 جۇمىس ورنى قۇرىلىپ، 2025 جىلعا قاراي تۇرعىندار تۇرمىستىق قاتتى قالدىقتار شىعارۋدى ۇيىمداستىرۋمەن 100 % قامتىلادى دەپ جوسپارلانىپ وتىر. وعان قوسا بۇل قالدىق جويۋدى ارتتىرىپ، پوليگوندار سانىن ازايتۋعا ىقپال ەتەتىن بولادى. وسى جوبانى قالدىقتاردى جويۋ جونىندەگى ءبىزدىڭ وڭىردەگى بىرلەسكەن پيلوتتىق جوبا رەتىندە قاراستىرۋدى ۇسىنامىن جəنە قول جەتكىزگەن نəتيجەگە سəيكەس جوبانى ەلىمىز بويىنشا تاراتۋعا بولادى دەپ ەسەپتەيمىن، - دەگەن ا. باتالوۆ ءسوزىنىڭ سوڭىندا وسى كەزدەسۋدى ۇيىمداستىرۋعا ۇيىتقى بولعان قر ەنەرگەتيكا مينيسترلىگىنە ريزاشىلىعىن ءبىلدىردى.

جالپى «وپەراتور روپ» جشس-نىڭ قوقىس وڭدەۋ سالاسىنداعى əرىپتەستىك بايلانىسقا استانامەن قاتار  الماتى اگلومەراتسياسى اۋماعىنداعى اۋقىمدى وبلىستى تارتۋىنا پارلامەنت سەناتىنىڭ ۇسىنىسى، سونىمەن قاتار جىل سايىن جيناقتالاتىن قوقىس كولەمىنىڭ ارتۋى ىقپال ەتكەن.

«وپەراتور روپ» جشس-نىڭ باس ديرەكتورى سۆەتلانا كوروتەنكونىڭ ايتۋىنشا، ىنتىماقتاستىق نەگىزگىندە قالدىقتاردى باسقارۋدىڭ وڭىرلىك جۇيەسىن قۇرۋ مەن ونى ودان ءارى دامىتۋ، جەكە جانە زاڭدى تۇلعالاردان تۇرمىستىق قاتتى قالدىقتاردى جەكە جيناقتاۋدى ەنگىزۋ، تۇرمىستىق قاتتى قالدىقتاردى شىعارۋعا شاقىرۋدى جۇزەگە اسىراتىن كولىك قۇرالدارىنىڭ قوزعالىسىن سپۋتنيكتىك ناۆيگاتسيالىق جۇيەلەردىڭ مالىمەتى بويىنشا باقىلاپ وتىرۋدىڭ اقپاراتتىق جۇيەسىن ۇيىمداستىرۋ جانە جۇرگىزۋ قولعا الىنباق. وعان قوسا تاراپتار الداعى ۋاقىتتا مەملەكەتتىك-جەكەمەنشىك سەرىكتەستىكتى دامىتۋ شەڭبەرىندەگى كەلىسىمدەردى قاراستىراتىن بولادى.

جالپى الماتى وبلىسىندا جىلىنا 1,2 ملن. توننا قالدىق جيناقتالادى. سونىڭ 640 مىڭ تونناسى وبلىس اۋماعىنا الماتى قالاسىنان شىعارىلادى. وبلىستاعى ەلدى مەكەندەردىڭ تۇرمىستىق قالدىقتاردى شىعارۋمەن قامتىلۋ كورسەتكىشى 67%، ال قالالار مەن ءىرى ەلدى مەكەندەردىڭ قامتىلۋى 100%.

Abai.kz