مامانداندىرىلعان حالىقارالىق «ەكسپو-207» كورمەسىن وتكىزۋ الدىندا ساپالى مەديتسينالىق كومەك كورسەتۋ بويىنشا جەدەل شتاب قۇرىلىپ، كورمە اۋماعىندا 6 مەديتسينالىق پۋنكت جانە ورتالىق ورنالاسقان. «كورمەنىڭ ءوتۋى كەزىندە 4 506 ادام مەديتسينالىق كومەككە جۇگىنگەن. ونىڭ ىشىندە 3862 قازاقستاندىق، 647 شەتەلدىك ازامات بار. جاراقات العان 556 ادام، ۋلانعان —134 ادام، قان اينالىمى جۇيەسىندەگى اۋرۋعا قاتىستى — 420 ادام، حيرۋرگيالىق پاتولوگيامەن — 134, اكۋشەرلىك-گينەكولوگيالىق پاتولوگيامەن، جۇكتىلىكتى قوسا العاندا — 116 ادام مەديتسينالىق كومەككە جۇگىنگەن. اللەرگيا، جاندىكتەردىڭ شاعىپ الۋى، كۇن ءوتۋ، ىستىق كوتەرىلۋ جاعدايلارى بويىنشا 3 149 ادام دارىگەرلەرگە كەلگەن»، — دەدى «استانا كونۆەنشن بيۋرو» جشس ديرەكتورى سانيار ايتەكەنوۆ.

كورمەنى وتكىزۋ كەزىندە وسى ۋاقىتقا دەيىن بارلىعى 861 ادام ەۆاكۋاتسيالانعان، ونىڭ 161-ءى اۋرۋحانالارعا جاتقىزىلعان. «ايتا كەتەرلىگى، اۋىر حالدە بىردە-ءبىر ادام تىركەلگەن جوق، سوڭى قايعىمەن اياقتالعان جاعدايلار بولعان جوق»، – دەپ اتاپ ءوتتى ول. كورمە قوناقتارىنىڭ دەنساۋلىعىن قاداعالاۋ ءۇشىن 1 335 مەديتسينالىق جەدەل كومەك كورسەتۋ كولىگى جۇمىلدىرىلعان. كورمە كەزىندەگى جالپى قالالىق شارالاردا 222 كەزەكشىلىك جۇرگىزىلدى. بۇدان بولەك، تۇرعىن ءۇي، الەۋمەتتىك، كوممەرتسيالىق جانە قالانىڭ ينفراقۇرىلىم نىساندارىن بارلىق بەينەباقىلاۋ جۇيەسى بىرىكتىرىلگەن احۋال ورتالىعى قۇرىلدى.

ەسكە سالايىق، «ەكسپو-2017» حالىقارالىق كورمەسى وسى جىلى 10 ماۋسىمدا باستالعان بولاتىن.

اباي-اقپارات