دۇيسەنبى, 20 مامىر 2024
ايقاي 5889 7 پىكىر 31 شىلدە, 2017 ساعات 08:27

قازاقستاندىق بەلسەندىلەر باتىس ليدەرلەرىنە حات جولدادى

الماتىدا جيىرما شاقتى بەلسەندى وتكەن دەمالىس كۇنى باس پوشتا ارقىلى ەۋروپالىق وداق، ەقىۇ جانە بىرقاتار حالىقارالىق دەموكراتيالىق ۇيىمداردىڭ ليدەرلەرىنە حات جولدادى. ولار ەلدەگى تۇرمەدە وتىرعان ساياسي تۇتقىندار مەن ۇستەرىنەن قىلمىستىق ءىس قوزعالعان بەلسەندىلەردىڭ جاعدايىنا نازار اۋدارۋىن سۇرايدى.

حات اۆتورلارى ازاماتتىق بەلسەندىلەر ماكس بوقاەۆ پەن تالعات اياندى، ديسسيدەنت ارون اتابەكتى، جۋرناليستەر جانبولات ماماي، سەيىتقازى جانە اسەت ماتاەۆتاردى، پروفەسسور سايات يبراەۆتى، "قازاتومونەركاسىبى" ۇلتتىق كومپانياسىنىڭ بۇرىنعى پرەزيدەنتى مۇحتار جاكىشەۆتى، قۇقىققورعاۋشى ۆاديم كۋرامشيندى، بلوگەر سانات دوسوۆتى، كاسىپوداق ليدەرلەرى نۇربەك قۇشاقباەۆ پەن ءامين ەلەۋسىنوۆتى قاماۋدان بوساتىپ، ولاردىڭ ۇستىنەن قوزعالعان قىلمىستىق ىستەردى دوعارۋدى تالاپ ەتكەن.

اۋەلى الماتىداعى ماحاتما گانديدىڭ ەسكەرتكىشى الدىنا جينالعان ازاماتتىق بەلسەندىلەرگە جەرگىلىكتى پروكۋراتۋرا مەن پوليتسيا وكىلدەرى بۇگىنگى اكتسيا رۇقسات ەتپەگەن جيىن تۇرىندە وتەتىن بولسا، وعان قاتىسۋشىلار زاڭعا سايكەس اكىمشىلىك جاۋاپكەرشىلىككە، ال ەگەر وزگەشە سالدارعا اپاراتىن بولسا، قىلمىستىق جاۋاپقا تارتىلۋلارى مۇمكىن ەكەنىن ەسكەرتتى.

سەنبى كۇنى الماتىداعى ماحاتما گانديدىڭ ەسكەرتكىشى الدىنا جينالعان بەلسەندىلەر سول جەردەن جاياۋلارعا ارنالعان جولمەن قالا ورتالىعىنداعى 1986 جىلعى جەلتوقسان وقيعاسى قۇرباندارىنا قويىلعان ەسكەرتكىشكە بارىپ، گۇل قويدى. بۇدان كەيىن الماتىنىڭ باس پوشتا مەكەمەسىنە جاياۋ جەتكەن ولار باتىس ەلدەرى ليدەرلەرى مەن حالىقارالىق دەموكراتيالىق ۇيىمداردىڭ جەتەكشىلەرىنە حات جولدادى.

پوشتادان شىققاننان كەيىن ولار سول ماڭداعى ءاليا مولداعۇلوۆا مەن مانشۇك مامەتوۆانىڭ ەسكەرتكىشىنە بارىپ، بەلسەندىلەردىڭ كەيبىرى قازاق اقىنى اباي قۇنانبايۇلىنىڭ ولەڭدەرىن وقىدى. بۇدان سوڭ بەلسەندىلەر ۇيلەرىنە تاراپ كەتتى.

پوليتسيا ەشكىمدى ۇستاعان جوق.

Abai.kz

7 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2169
ادەبيەت

«سولاي ەمەس پە؟»

عابباس قابىشۇلى 2571
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2447
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1672