قارجىگەر 27 شىلدەدە اقش سەناتىنىڭ زاڭ كوميتەتىنە تۇسىنىك بەردى. بۇل كوميتەت رەسەيدىڭ اقش-تاعى پرەزيدەنتتىك سايلاۋعا ارالاسۋى مۇمكىن دەگەن فاكتىنى تەكسەرىپ جاتىر.

براۋدەردىڭ مالىمدەۋىنشە، "پۋتين اقش-تىڭ رەسەي كومپانيالارى مەن جەكە تۇلعالارىنا سالعان سانكتسيالارىن جويعىسى كەلەدى. وسى ماقساتتا رەسەيلىك زاڭگەر كونگرەسس مۇشەلەرىمەن جانە اقش پرەزيدەنتى ترامپتىڭ كىشى ۇلىمەن كەزدەسكەن".

Hermitage Capital وكىلىنىڭ پىكىرىنشە، پۋتينگە جۇمىس ىستەيتىن 10 مىڭ ادام قاماۋ، ازاپتاۋ جانە كىسى ءولتىرۋ ارقىلى مۇلىكتى باسقارۋمەن اينالىسادى. ولاردىڭ بارلىعىنا پرەزيدەنت جازا قولدانباۋعا كەپىل بەرگەن. ال "ماگنيتسكي اكتى" بۇعان كەدەرگى جاساۋى مۇمكىن. وسىنداي قۇجاتتاردىڭ نەگىزىندە، ءپۋتيننىڭ قاراماعىنداعى كوپتەگەن ادامداردىڭ ەسەپتەرى قۇلىپتالعان.

19 شىلدەدە "ناستوياششەە ۆرەميا" تەلەارناسىنا (ازات ەۋروپا/ازاتتىق راديوسىنىڭ جوباسى) سۇحبات بەرگەن براۋدەردىڭ ايتۋىنشا، پۋتين ءوزىنىڭ دوسى سەرگەي رولدۋگيننىڭ وففشورلىق كومپانياسى ارقىلى 230 ميلليون دوللار العىسى كەلگەن. بۇل قاراجات بيۋدجەتتەن ۇرلانعانىن كەزىندە قور زاڭگەرى سەرگەي ماگنيتسكي مالىمدەگەن ەدى. ول قاماۋعا الىنىپ، 2009 جىلدىڭ قاراشاسىندا ماسكەۋدەگى تەرگەۋ اباقتىسىندا ازاپتاپ ءولتىرىلدى.

Abai.kz