2017 جىلعى 28 شىلدە كۇنى، ساعات 10.00-دە تالدىقورعان قالاسى، اكۆاپارك ماڭىنداعى ساياباقتا (پلياج)قازاقستان رەسپۋبليكاسى قارۋلى كۇشتەرىنە 25 جىل تولۋىنا وراي «ORBULAK RACE» ەكستريمالدى سپورت ويىنى وتەدى. وسىعان وراي، سىزدەردى، اقپاراتتىق قولداۋ بىلدىرۋگە شاقىرامىز!

ۇيىمداستىرۋشىلار: الماتى وبلىسىنىڭ جاستار ساياساتى ماسەلەلەرى باسقارماسى، الماتى وبلىسىنىڭ جاستار رەسۋرستىق ورتالىعى، «جاس وتان» جق الماتى وبلىستىق فيليالى.

جارىستىڭ ماقساتى : جاستاردىڭ سپورتپەن جۇيەلى تۇردە اينالىسۋىنا ىقپال ەتۋ، ءدىني ەكسترەميزم مەن تەرروريزمنىڭ، قۇقىق بۇزۋشىلىقتىڭ الدىن الۋ، سالاۋاتتى ءومىر سالتىن ناسيحاتتاۋ

«ORBULAK RACE»جارىسىنىڭ وتكىزىلۋ بارىسى: جارىس SPARTAN RACE- ەكستريمالدى سپورتىنىڭ تالاپتارىنا ساي وتكىزىلەدى. جارىستىڭ قاشىقتىعى – 2020 مەتر. جالپى بوگەتتەر سانى – 14, سوڭعى اينالىم كاپيتاندار سايىسى. 1 كەزەڭنەن تۇراتىن جارىس كوماندالىق جۇيەدە وتكىزىلەدى. جارىسقا وبلىسىمىزدىڭ مارگينال جانە ديۆيانت جاستارى، ءاتم تاربيەلەنۋشىلەرى، 18-29 جاس ارالىعىنداعى جاستار قاتىسادى.ەرەكشە سيپاتتاعى بۇل شارا جەتىسۋدىڭ سپورت سۇيەر جاستارىن جانە جالپى قاتىسۋشىلارىن سان-الۋان بوگەتتەرمەن سىنايدى. ويىن بارىسىندا ەڭ ۇزىن بيىكتىك 6 مەتردى قۇرايتىن ءزاۋلىم كەدەرگىلەردى باعىندىرعان، وتتان سەكىرىپ، سۋ كەشكەن قاتىسۋشىلاردىڭ قىزىقتى ويىنىن تاماشالايسىزدار.

Abai.kz