جۇما, 24 مامىر 2024
4539 1 پىكىر 25 شىلدە, 2017 ساعات 09:56

ترامپتىڭ كۇيەۋ بالاسى رەسەيمەن بايلانىسى بارىن جوققا شىعاردى

اقش پرەزيدەنتى دونالد ترامپتىڭ اعا كەڭەسشىسى ءارى تۋعان كۇيەۋ بالاسى دجارەد كۋشنەر بىلتىر پرەزيدەنت سايلاۋىندا رەسەيمەن بايلانىستا بولدى دەگەن ايىپتاۋلاردى جوققا شىعاردى. ونىڭ سوزدەرىنشە، نە ءوزى، نە سايلاۋ كامپانياسىنىڭ قانداي دا ءبىر وكىلى رەسەيمەن قارىم-قاتىناستا بولعان ەمەس.

كۋشنەر ءوزىنىڭ جەكە بيزنەسىن رەسەيلىك قورلاردىڭ قارجىلاندىرماعانىن دا ايتادى.

بىراق ول رەسەي وكىلدەرىمەن ءتورت رەت بايلانىستا بولعانىن، ولاردىڭ ەشقايسىسى دا ءمان بەرۋگە تۇرارلىق ەمەس ەكەنىن مالىمدەدى. ءبىر رەت رەسەيدىڭ اقش-تاعى بۇرىنعى ەلشىسى كيسلياكپەن بىلتىر ءساۋىر ايىندا Mayflower قوناق ۇيىندە كەزدەسكەن. بىراق كۋشنەر ول كەزدە ەلشىمەن سويلەسپەگەن. ەكىنشى رەت ەلشىمەن جەلتوقسان ايىندا ترامپتىڭ قاۋىپسىزدىك جونىندەگى كەڭەسشىسى بولعان مايك فليننمەن بىرگە كەزدەسكەن. وندا ءفليننىڭ ترامپ ەكى ەلدىڭ قارىم-قاتىناسىندا جاڭا باستامالار كۇتەدى دەگەنى عانا ەسىندە قالعانىن ايتادى. سوعان قاراماستان ەكىنشى رەت كەزدەسۋ كەزىندە ونىڭ اتى-ءجونىن ۇمىتىپ قالعانىن جەتكىزدى.

كۋشنەر سايلاۋالدى كامپانيا كەزىندە قۇپيا مالىمەتتەرگە قول جەتكىزۋ ءۇشىن، قانداي شەتەلدىكتەرمەن كەزدەسكەنى جونىندە مالىمەت بەرمەگەنىن مويىندادى. ماسەلە رەسەيلىك بانكير سەرگەي گوركوۆ جونىندە. كۋشنەردىڭ سوزدەرىنشە، وعان ءوزىنىڭ بانكى جونىندە ايتقان. بانكيردىڭ پرەزيدەنت پۋتينمەن دوستىعىن بىلگەننەن كەيىن، وباما تۇسىندا اقش-تىڭ رەسەيمەن قارىم-قاتىناسىنىڭ سۋىپ كەتكەنىنە وكىنىش ءبىلدىرىپ، بولاشاقتا جاقساراتىنىنا ءۇمىت ارتقان.

كۋشنەر ءوزىنىڭ مالىمدەمەسىندە 2016 جىلى ماۋسىم ايىندا ادۆوكات ناتاليا ۆەسەلنيتسكايامەن كەزدەسۋى جونىندە دە ايتقان. ونىمەن كەزدەسكەنگە دەيىن رەسەيلىك پروكۋرور ترامپتىڭ قارسىلاسى حيللاري كلينتونعا قاتىستى كومپرومات ۇسىنادى دەگەن حابارلامانى كورمەگەن. ول سەرگەي كيسلياكپەن كەزدەسۋدە ماسكەۋمەن قۇپيا بايلانىس ورناتۋدى ۇسىنعانىن جوققا شىعاردى.

Abai.kz

1 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2300
ادەبيەت

«سولاي ەمەس پە؟»

عابباس قابىشۇلى 2650
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2739
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1740