"ستۋدەنتتەر كۇننىڭ شىعۋىمەن، تاڭعا ساعات 4-تەن تۇرىپ، تاۋعا بارۋى كەرەك. بۇل كەزدە قوعامدىق كولىك ءالى جۇمىسىن باستامايدى. سول ءۇشىن دە ستۋدەنتتەر تاۋعا دەيىن تاكسيمەن جەتەدى. بۇل وتە قىمبات. كوبىنىڭ قالتاسى كوتەرە بەرمەيدى", - دەيدى مەردان ەسىمدى ستۋدەنت.

تاۋ سوقپاعىنىڭ جالپى قاشىقتىعى - 36 كيلومەتر. ەڭ جوعارعى نۇكتەسى تەڭىز دەڭگەيىنەن 1000 مەتر بيىك. شاراعا قاتىسۋشىلاردىڭ سوزدەرىنشە، تاۋعا شىعۋ اسىرەسە جازدا، اپتاپ ىستىقتا وتە اۋىر.

"تاۋعا شىعۋ كەزىندە كۇننىڭ ىستىعىنان كەيبىر ستۋدەنتتەر ەستەرىنەن تانىپ قالادى. ولاردى سوسىن قالاعا جەتكىزۋدىڭ ءوزى قيىن. باقىلاۋ وتە كۇشتى. تاۋعا شىقپاعان ستۋدەنتتەردى وقۋدان شىعارامىز دەپ قورقىتادى", - دەيدى قاتىسۋشىنىڭ ءبىرى.

"ارينە ستۋدەنتتەردى اپتاپ ىستىقتا ماجبۇرلەۋ وتە قيىن. بىراق ءبىز ولاردان تالاپ ەتپەسەك، جوعارى جاقتان ءبىزدى قينايدى، جۇمىستان شىعارادى", - دەيدى استانالىق جوعارى وقۋ ورنى وقىتۋشىسىنىڭ ءبىرى.

Abai.kz