دۇيسەنبى, 18 قازان 2021
الاساپىران 6251 35 پىكىر 16 ماۋسىم, 2017 ساعات 11:56

زىمىران قۇلاپ كىسى ءولدى. ءسىم نەگە ءۇنسىز؟

تاعى دا زىمىران قۇلادى. تاعى دا زىمىران زاردابىن قارا حالىق تارتۋعا ءماجبۇر. قازاقستاننىڭ قاراعاندى وبلىسىنىڭ جەزقازعان قالاسىنان باتىسقا قاراي 50 كيلومەتر قاشىقتىقتا رەسەيلىك "سويۋز-2.1ا" زىمىران تاسىعىشىنىڭ بولشەكتەرى شاشىلىپ قالعان. وسىنىڭ سالدارىنان كىسى ءولىمى ورىن العان.

زىمىران "بايقوڭىر" عارىش ايلاعىنان ۇشىرىلعان ەكەن. كۋاگەرلەر زىمىران بولشەكتەرى قۇلاعان كەزدە، اۋا تەمپەراتۋراسى 34 گرادۋس بولىپ، قاتتى جەل تۇرىپ، ءورت شىققان. قازاقستان توتەنشە جاعدايلار كوميتەتى بۇعان دەيىن 14 ماۋسىم كۇنى كەشكە زىمىران سىنىعى قۇلاعان جەزقازعان تۇبىندەگى تالاپ اۋىلىنا جاقىن دالادا ءورت بولىپ، وندا كۇيىك شالعان ءبىر ەر ادام قازا تاپقانىن، ءبىر ادام جارالانعانىن حابارلاعان.

كوميتەت ولاردىڭ ەكەۋى دە زىمىران سىنىعىن جيناۋ جۇمىستارىنا قاتىسقانىن ايتادى.

روسكوسموس اقپاراتىنا قاراعاندا، قايعىلى وقيعادان كاماز كولىگىنىڭ جۇرگىزۋشىسى، "نپو ماشينوستروەنيە" كومپانياسىنىڭ جۇمىسشىسى قازا تاپقان. كومپانيا زىمىران بولشەگى قۇلايتىن اۋدانعا قىزمەت كورسەتەدى. روسكوسموس قاتتى جەلدەن كولىكتى ءورت شارپىعانىن ايتادى.

ءار زىمىران قۇلاعان سايىن ءبىر ازاماتتان ايرىلىپ، ەندى ءبىرىن جاراقاتتاپ جاتا بەرەمىز بە؟ بۇل ازاماتتاردىڭ ولىمىنە كىم كىنالى؟

قالدىقتاردى تازالاۋمەن اينالىساتىن كومپانيا ما، قازاقستان توتەنشە جاعدايلار كوميتەتى مە، جوق الدە زىمىرانىن قازاق دالاسىنا قۇلاتىپ الا بەرەتىن رەسەي مە؟

ارينە، ميلليونداردىڭ دەنساۋلىعىنا زيان كەلتىرىپ جاتقان رەسەي كىنالى. زىمىران تاسىعىشتىڭ قۇلاۋى سەبەبىنەن قازا تاپقان ادامنىڭ وتباسىنا رەسەي قول ۇشىن سوزا ما؟ وتەماقى بەرە مە؟ مۇنىڭ ءبارىن سىرتقى ىستەر مينيسترلىگى قولعا الۋى كەرەك قوي.

بىراق، ءبىزدىڭ ءسىم ءۇنسىز؟

ادامىمىز ناقاق اجال قۇشىپ جاتسا دا ء"اۋ" دەي المايتىن ءبىز قانداي ەلمىز؟

ءشارىپحان قايسار

Abai.kz

35 پىكىر