وتكەندە ءبىزدىڭ بيلىك قىتايلارعا جالعا جەر بەرەمىز دەپ دامەلەندىرىپ قويدى دا، ەندى ولاردىڭ قالاي دا بولسا كوڭىلىن تابۋ ءۇشىن قارىمتاسىنا 51 كاسىپورنىن اكەپ كىرگىزگەلى جاتقان سەكىلدى. بۇلار پايدانى ءبىرىنشى كەزەككە قويىپ جامان ۇيرەنگەن حالىق.

ەۆروپالىقتار بولسا ۇندەمەس ەدىك قوي. رەسەيدىڭ قيىر شىعىسىن ابدەن ۋلاپ ءبىتتى. كەزىندە حانزۋلاردى كىرگىزگەن ورىستاردىڭ قازىر اۋزى كۇيىپ وتىر. قيىر شىعىسى تۇگەل قىتايلانىپ بارادى. ورىستىڭ ءوزىنىڭ ءوسىمى توقتاعان حالىق. ەندى ونىڭ ورنىن ورىستان ءبىر-ءبىر قاتىن العان قىتاي تولتىرىپ جاتىر.

مەنىڭ قاۋىپتەنىپ وتىرعانىم، ەرتەڭ ەگەر ولاردىڭ 51 كاسىپورنىن قازاقستانعا كىرگىزسەك، قىتايلار ءبىزدىڭ ەلگە وزدەرىنىڭ ءبىر ەكونوميكالىق ايماعى رەتىندە قاراي باستايدى. ونسىز دا قازىر «بالقاشقا دەيىنگى جەر بىزدىكى» دەپ كوكىپ ءجۇر. بۇنىڭ سوڭى قىتايدىڭ ەكسپانسياسىنا ۇلاسادى. بۇل ءبىز ءۇشىن مىڭ رەت ويلانىپ بارىپ شەشەتىن ستراتەگيالىق ماڭىزى بار ماسەلە ەدى عوي!

«حالىق قالاۋلىلارى» وسىعان بايلانىستى ءالى ءبىر اۋىز ءسوز ايتقان جوق. الدە، وتكەندەگىدەي تاعى دا ءۇنسىز قالىپ، قۋلىعىنا قۇرىق بويلامايتىن قىتايلاردىڭ قازاق جەرىنە الدىمەن كاسىپورىندارىن كىرگىزگەلى جاتقانىن دۇرىس كورىپ وتىر ما؟!

اۋ، دەپۋتاتتار! سىزدەرگە كرەسلو قىمبات پا، الدە وتان قىمبات پا؟ ءاربىر دەپۋتاتتىڭ حالىقتىڭ الدىنا شىعىپ، جاۋاپ بەرۋىن تالاپ ەتەمىز. ايتپەسە ەرتەڭ وسىنداي قىلمىسقا ءۇنسىز كەلىسە سالعان ءبارىڭىز بىردەي جاۋاپقا تارتىلاسىزدار!

جولىمبەت ماكىش

Facebook-تەگى پاراقشاسىنان