12 ماۋسىم كۇنى قىزىلوردا وبلىسىنىڭ اكتيۆ وتىرىسىندا  قر اقپارات جانە كوممۋنيكاتسيالار مينيسترلىگى ورتالىق كوممۋنيكاتسيالار قىزمەتىنىڭ ديرەكتورى ارتۋر نىعمەتوۆ ايماقتىڭ الەۋمەتتىك-ەكونوميكالىق دامۋىنا قوسقان ەرەكشە ۇلەسى ءۇشىن قىزىلوردا وبلىسىنىڭ قۇرمەت گراموتاسىمەن ماراپاتتالدى.  ەستەرىڭىزگە سالا كەتەيىك، بۇدان بۇرىن ارتۋر نىعمەتوۆ قىزىلوردا وبلىسى اكىمىنىڭ الەۋمەتتىك-ساياسي ماسەلەلەر مەن اقپاراتتىق ساياسات جونىندەگى كەڭەسشىسى قىزمەتىن اتقارعان.

وبلىس اكىمى قىرىمبەك كوشەرباەۆ  ا.نىعمەتوۆكە جاڭا قىزمەتتە تابىستار تىلەدى.

- از عانا ۋاقىت ەڭبەك ەتكەنىنە قاراماستان ارتۋر ساعيدوللاۇلىن كوپ ءىس تىندىرىپ كەتتى دەسەك، ارتىق ايتقاندىعىمىز بولماس. ول جەرگىلىكتى اتقارۋشى ورگاندار مەن بۇقارالىق اقپارات سالاسى وكىلدەرىنىڭ اراسىندا جاڭاشىل قارىم-قاتىناس ورناتىپ، ايماقتاعى اتقارىلعان جۇمىستاردىڭ جوعارى دەڭگەيدە اقپاراتتاندىرىلۋىنا ەرەكشە ۇلەس قوستى. سىر ءوڭىرىنىڭ جەرگىلىكتى اتقارۋشى ورگانىندا جەمىستى جۇمىس جاساپ، اقپارات سالاسىنىڭ نىعايۋىنا ايانباي ەڭبەك ەتكەنى ءۇشىن ارتۋر ساعيدوللاۇلىنا شەكسىز العىسىمدى بىلدىرەمىن جانە الداعى جۇمىستارىنا تولاعاي تابىستار تىلەيمىن، - دەدى ايماق باسشىسى.

اباي-اقپارات