استانداعى تۇراقتى ەنەرگەتيكا جونىندەگى VIII حالىقارالىق فورۋمى مەن وسى ماسەلەگە ارنالعان مينيسترلەردىڭ كەزەكتى كونفەرەنتسياسى بارىسىندا بىرقاتار قۇجاتتارعا قول قويىلدى، - دەپ حابارلايدى قازاقپارات.

اتاپ ايتقاندا، قر ۇلتتىق يادرولىق ورتالىعىنىڭ باس ديرەكتورى ەرلان باتىربەكوۆ پەن ITER ۇيىمى باس ديرەكتورى بەرنارد بيگو اراسىندا ىنتىماقتاستىق تۋرالى كەلىسىمگە قويدى.

سونىمەن قاتار «بۋرنوە سولار» كۇن ەلەكتر ستانساسىن ۇلعايتۋ جوباسىن قولداۋ جانە ىنتىماقتاستىق تۋرالى كەلىسىم بەكىتىلدى. قول قويۋ راسىمىنە قر ەنەرگەتيكا ءمينيسترى قانات بوزىمباەۆ، ەۋروپالىق قايتا قۇرۋ جانە دامۋ بانكىنىڭ ەنەرگەتيكا مەن تابيعي رەسۋرستار جونىندەگى باسقارۋشى ديرەكتورى نانديتا پارشاد، United Green Energy Limited كومپانياسىنىڭ ديرەكتورى  البرەحت فريشەنشلاگەر قاتىستى.  اتالعان قۇجات اياسىندا كۇن ەلەكتر ستانتسياسىنىڭ قۋاتتىلىعىن  قازىرگى تاڭداعى 50 مۆت-تان  100 مۆت-قا دەيىن جەتكىزىلەدى.

بۇدان بولەك، «بۋرنوە سولار» جوباسى بويىنشا نەسيەلىك كەلىسىم بەكىتىلدى.

«بۇگىن ماڭىزدى قۇجاتقا قول ويدىق. اتاپ ايتقاندا، ول جوبا ەلىمىزدەگى ءىرى كۇن ەلەكتر ستانساسى. قازىرگى كەزدە ونىڭ قۋاتتىلىعى 50 مۆت ەكەنىن بىلەسىزدەر، ال 2018 جىلى ونى ەكى ەسەگە ارتتىرۋ كوزدەلىپ وتىر. وسى ورايدا پوستكەڭەستىك كەڭىستىكتە ەڭ ءىرى ەلەكتر ستانساسى بولماق. وسى كەلىسىم - United Green Energy كومپانياسى، ەۋروپالىق قايتا قۇرۋ جانە دامۋ بانكى جانە قازاقستان ۇكىمەتى ىنتىماقتاستىعىنىڭ جارقىن ۇلگىسى»، - دەدى بوزىمباەۆ.

ەستەرىڭىزگە سالا كەتەيىك، جۋالى اۋدانىندا سالىنعان قۋاتتىلىعى 50 مۆت قۇرايتىن كۇن ەلەكتر ستانساسى 2015 جىلى 2 شىلدەدە ەلباسىنىڭ قاتىسۋىمەن يندۋستريالاندىرۋ كۇنى اياسىندا ىسكە قوسىلعان.

اباي-اقپارات