Дүйсенбі, 4 Наурыз 2024
Білгенге маржан 4848 2 пікір 12 Маусым, 2017 сағат 04:36

Қазақстан ең ірі күн электр стансасын іске қосады

Астандағы тұрақты энергетика жөніндегі VIII Халықаралық форумы мен осы мәселеге арналған министрлердің кезекті конференциясы барысында бірқатар құжаттарға қол қойылды, - деп хабарлайды ҚазАқпарат.

Атап айтқанда, ҚР Ұлттық ядролық орталығының бас директоры Ерлан Батырбеков пен ITER ұйымы бас директоры Бернард Биго арасында ынтымақтастық туралы келісімге қойды.

Сонымен қатар «Бурное Солар» күн электр стансасын ұлғайту жобасын қолдау және ынтымақтастық туралы келісім бекітілді. Қол қою рәсіміне ҚР Энергетика министрі Қанат Бозымбаев, Еуропалық қайта құру және даму банкінің энергетика мен табиғи ресурстар жөніндегі басқарушы директоры Нандита Паршад, United Green Energy Limited компаниясының директоры  Альбрехт Фришеншлагер қатысты.  Аталған құжат аясында күн электр станциясының қуаттылығын  қазіргі таңдағы 50 МВт-тан  100 МВт-қа дейін жеткізіледі.

Бұдан бөлек, «Бурное Солар» жобасы бойынша несиелік келісім бекітілді.

«Бүгін маңызды құжатқа қол ойдық. Атап айтқанда, ол жоба еліміздегі ірі күн электр стансасы. Қазіргі кезде оның қуаттылығы 50 МВт екенін білесіздер, ал 2018 жылы оны екі есеге арттыру көзделіп отыр. Осы орайда посткеңестік кеңістікте ең ірі электр стансасы болмақ. Осы келісім - United Green Energy компаниясы, Еуропалық қайта құру және даму банкі және Қазақстан Үкіметі ынтымақтастығының жарқын үлгісі», - деді Бозымбаев.

Естеріңізге сала кетейік, Жуалы ауданында салынған қуаттылығы 50 МВт құрайтын күн электр стансасы 2015 жылы 2 шілдеде Елбасының қатысуымен Индустрияландыру күні аясында іске қосылған.

Абай-ақпарат

2 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 929
Алашорда

Қожанов межелеу науқанында

Бейбіт Қойшыбаев 631
Ғибырат

Қайсар рухты ғазиз жан

Мұхтар Құл-Мұхаммед 1335