اقش جەتەكشىلىك ەتەتىن كواليتسيا سيرياداعى اساد جاقتاستارىن شابۋىلدادى
اقش جەتەكشىلىك ەتەتىن حالىقارالىق كواليتسيا ات-تانف ەلدى مەكەنىندەگى سيريا جاقتاستارىنا اۋە سوققىسىن جاسادى. بۇل جونىندە كواليتسيانىڭ رەسمي سايتى حابارلادى.
اۋە سوققى ەكى ارتيللەريالىق قوندىرعىنى، ءبىر اۋە شابۋىلىنا قارسى قارۋدى جانە تانكتى جويعان. شابۋىلدىڭ الدىندا امەريكالىق اسكەر بىرنەشە رەت ەسكەرتۋ جاساعان.
اقش قولباسشىلىعى تاراتقان مالىمدەمەدە، سيريا پرەزيدەنتى باشار اساد جاقتاستارىنىڭ شىعىستاعى ات-تانف ەلدى مەكەنىنىڭ دەەسكالاتسيا ايماعىنا ەنگەنىن حابارلايدى. وندا امەريكالىق اسكەر قارۋلى وپپوزيتسيانى "يسلام مەملەكەتى" ەكسترەميستىك توبىنا قارسى كۇرەسكە دايىنداپ جاتىر.
بۇل سوڭعى اپتادا باشار اسادتى قولدايتىن كۇشكە قارسى جاسالعان ەكىنشى سوققى. مامىر ايىنىڭ اياعىندا كواليتسيا ۇشاقتارى يوردانياعا قاراي بەت العان اساد اسكەرىن شابۋىلدادى. پەنتاگون مالىمەتىنە قاراعاندا، ولار رۇقست سۇراماستان قاۋىپسىز ايماققا ەنىپ كەتكەن.
اباي-اقپارات
