تۇركى ۇلىستارىنىڭ YIII "2017 Turk Dili Yili" قۇرىلتايى تۋرالى تۇركيانىڭ استاناسى - انكارا قالاسىندا 22-27 مامىردا تۇركى ۇلىستارىنىڭ YIII "2017 Turk Dili Yili" قۇرىلتايى ءوتتى.

شارانىڭ نەگىزگى ماقساتى – ءتۇبى ءبىر تۇركى تىلدەرىنىڭ تاريحى مەن بۇگىنگى جايىن، تۇركى ۇلىستارىنا ورتاق مۇرالاردىڭ تىلدىك ەرەكشەلىكتەرى مەن تىلدەردى دامىتۋداعى ءرولىن زەردەلەۋ بولاتىن.

قۇرىلتايعا 33 مەملەكەتتەن 250 عالىم قاتىسىپ، تۇركى ادەبيەتى مەن ءتىلىنىڭ سان ءتۇرلى ماسەلەلەرىن قامتيتىن باياندامالار جاسالدى، ەلدىڭ وركەندەۋىندەگى ءتىلدىڭ ماڭىزى، بولاشاقتاعى تاعدىرى تالقىلاندى. قازىرگى جاھاندانۋ داۋىرىندە تۇركى مادەنيەتىنىڭ تەرەڭ تامىرى مەن ءتىلىنىڭ دەربەستىگىن، تازالىعىن ساقتاپ قالۋدىڭ جولدارى ءسوز بولدى.

تۇركى ۇلىستارىنىڭ YIII "2017 Turk Dili Yili" قۇرىلتايىنا تۇركيا ەلىنىڭ پرەزيدەنتى رەدجە́پ تاي́پ ەردوگان كەلىپ، قۇرىلتايدىڭ ماڭىزى تۋرالى ايتتى، بولاشاقتاعى ىستەلەتىن ىستەرگە باعىت-باعدار بەردى. ءسوزىنىڭ سوڭىندا تۇرىك پرەزيدەنتى 10 عالىمعا "تۇركى ءتىلىنىڭ دامۋىنا ۇلەس قوسقان عالىم" حالىقارالىق ماراپاتىن سالتاناتتى تۇردە تابىستادى.

بۇل ماراپاتتى تۇركيا، گەرمانيا، قازاقستان، وڭتۇستىك كورەيا، ءازىربايجان جانە قىرعىزستان عالىمدارى الدى. قازاقستاننان وسى ماراپاتتى فيلولوگيا عىلىمدارىنىڭ دوكتورى، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پروفەسسورى گۇلبانۋ قوسىموۆا يەمدەندى.

بۇل ءبارىمىز ءۇشىن ۇلكەن ماقتانىش، جان تولقىتارلىق ءسات بولدى. گۇلبانۋ قوسىموۆانىڭ تۇركولوگيا جانە ءتىلدىڭ تاريحى، شەشەندىك ونەر سالاسىنداعى زەرتتەۋلەرى قازاقستاننان تىس ەلدەردە، اسىرەسە تۇركيادا دا بەلگىلى بولاتىن. قۇرىلتايعا قاتىسۋشىلار انكارادا وتكەن تۇركى عالىمدارىنىڭ باسقوسۋىنا جانە ونى ۇيىمداستىرعان حالىقارالىق لينگۆيستيكالىق قوعامعا شەكسىز ريزاشىلىعىن ءبىلدىردى.

كەنان كوچ

فيلولوگيا عىلىمدارىنىڭ دوكتورى،پروفەسسور، قازاق ءتىلىنىڭ شەتەلدەگى زەرتتەۋشىسى 

Abai.kz