سارسەنبى, 25 قاراشا 2020
COVID-19 قازاقستاندا. جۇقتىرعاندار — 127580. جازىلعاندار — 114347. قايتىس بولعاندار — 1945
ءوز ءسوزى 7200 10 پىكىر 29 مامىر, 2017 ساعات 14:55

اردابەك سولداتباي: «ناتسپاتتارمەن» ساۋدالاسۋعا بولادى

«كەيبىر ناتسپاتتار پارلامەنت دەپۋتاتى بولۋعا دايىندالا باستاپتى». جاقىندا جۋرناليست اردابەك سولداتباي (سۋرەتتە) ءوزىنىڭ الەۋمەتتىك جەلىدەگى جەكە پاراقشاسىندا وسىلاي دەپ جازدى.

«وزدەرىن كəدىمگى حالىق قالاۋلىسى سەكىلدى سەزىنىپ، كەسەك سويلەپ، ەلدىڭ ەرتەڭى ءۇشىن "قام جەپ" ءجۇر.تىم سەنىمدى. سوعان قاراعاندا ولارعا ناقتى ۋəدە بەرىلگەن سەكىلدى. بەلگىلەنگەن كۇنگە دەيىن مويىندارىنا جۇكتەلگەن مىندەتتەردى ورىنداپ كوزگە ءتۇسۋى كەرەك»، - دەيدى جازبا اۆتورى.

ول ول ما،  بىزگە بەلگىسىز سەبەپتەرمەن قازىر جابىلىپ قالعان «shyn.kz» سايتىنىڭ رەداكتورى اردابەك سولداتباي «ناتسپاتتاردى» جەزوكشەلەرگە ءۇيىر دەپ ايىپتايدى. سويتەدى دە:

«تەك وزدەرى بىردەمە ءبۇلدىرىپ قويماسىن. ول ءۇشىن قيىن بولسا دا جەزوكشەلەرگە بارماي شىداۋلارى كەرەك، ساۋنا-كافەدەگى ماس وتىرعان سۋرەتتەرىن əلەۋمەتتىك جەلىگە جاريالاۋدى توقتاتا تۇرادى، رۋحانياتتىڭ جوقشىسى رەتىندە كورىنىپ سۇحبات بەرىپ تۇرۋى كەرەك، قازىرگى كەڭەسشى، شىراقشى، كىتاپحاناشى سەكىلدى قىزمەتتەرىندە ۋاقىتشا جۇرگەندەرىن تىم جاريا ەتە بەرمەي، ۇزاق مەرزىمگە جاساعان جوسپارلارىن كورسەتىپ تۇرۋى كەرەك»، - دەگەندى ايتادى.

جۋرناليست اردابەك سولداتباي «ەتەككە ەسى كەتكەن ناتسپاتتار» دەپ كىمدەردى ايتىپ وتىر؟ قازىرگى قازاق قوعامىنداعى سەرگەك سانالى ازاماتتارعا اردابەك سولداتباي نەگە شۇيلىكتى؟ بۇل سۇراقتاردىڭ جاۋابىن الەمجەلىدەگى جازبا اۆتورىنىڭ وزىنەن سۇراپ بىلگەندى ءجون كوردىك.

-اردابەك مىرزا، FB-داعى جازباڭىزدا «ناتسپاتتار پارلامەنتكە دايىندالىپ جاتىر» دەپسىز. ءسىزدىڭ «ناتسپاتتار» دەپ وتىرعانىڭىز كىمدەر؟ ولاردىڭ ناقتى اتتارىن اتاپ، تۇستەرىن تۇستەپ كورسەتپەگەن ەكەنسىز... كىمدەر تۋرالى ايتىپ وتىرسىز ءوزى؟

-ناتسپاتتار - وزدەرىن ۇلتشىل پاتريوت رەتىندە تانىتىپ جۇرگەن قايراتكەرلەر. ولار مارات ءتəجيننىڭ پرەزيدەنت əكىمشىلىگىنە كەلۋىمەن ىشكى-سىرتقى ساياساتقا ەتەنە ارالاسىپ جاتقانىن كورىپ وتىرمىز. حالىقتى بىرىكتىرۋ، ءوز توڭىرەكتەرىنە توپتاستىرۋدىڭ جولى - ءبəرىنىڭ ءبىر ماقساتقا جۇمىلۋى دەپ سانايدى جəنە ونداي ماقسات رەتىندە رەسەيدىڭ ىقپالىنا، ساياسي-اقپاراتتىق ەكسپانتسياسىنا قارسى كۇرەستى تاڭداعان.

الايدا، حالىق ناتسپاتتاردىڭ اراسىنان ءسوزى مەن ءىسى ۇيلەسپەيتىن تۇلعالاردى ءجيى كورگەندىكتەن ولارعا تىم سەنىم ارتا بەرمەيدى. جəنە ولاردىڭ كوبى كۇنى كەشەگە دەيىن بيلىكتە بولعان، قىزمەتتەن كەتكەننەن كەيىن ۇلتشىلدىق ماسكاسىن كيىپ، وپپوزيتسيالىق پىكىرلەر ايتىپ، بيلىكتىڭ سىنشىسىنا اينالعاندار.

سويتسە دە بيلىك ولاردى قالاعان ۋاقىتىندا بەلگىلى ماقساتقا، بەلگىلى ءبىر جوباعا پايدالانىپ وتىرادى. ياعني، ولارمەن ساۋدالاسۋعا، ساتىپ الۋعا، كەلىسىمگە كەلۋگە بولادى. قازىر تۇتقىندا وتىرعان پرەزيدەنت əكىمشىلىگى باسشىسىنىڭ بۇرىنعى ورىنباسارى باعلان مايلىباەۆ تا ولاردىڭ قىزمەتىن ۇنەمى پايدالانعان.

-ارەكە، ءسىز جوعارىدا ناتسپاتتاردى بيلىك ءوز مۇددەسىنە پايدالانىپ وتىر دەدىڭىز. ەندى مىنانى ايتىڭىزشى، «Shyn.kz» دەيتىن ءسىز باسقارعان سايت نەگە جابىلىپ قالدى؟ جۇرت سايتتىڭ جابىلۋىنا ءسىزدىڭ ءدىني كوزقاراسىڭىز سەبەپ بولدى دەپ ءجۇر...

-"شىن" سايتى جابىلعان جوق، قىزمەتى ۋاقىتشا توقتاتىلدى. ءدىن ىستەرى ءمينيسترىنىڭ تىكەلەي تاپسىرماسىمەن جالا جابىلىپ، سوت ءۇش ايعا قىزمەتىن توقتاتقان. ءبىر əيەلگە سايتتاعى ءۇش ماقالا ۇناماي قالىپتى. سوسىن ول əكىمشىلىككە ارىز جازىپتى. ءدىن ىستەرى باسقارماسى حاتتاما تولتىرىپ، əكىمشىلىك ءىس قوزعاپ سوتقا بەرىپتى. Əدەتتەگىدەي قۋعىن-سۇرگىننىڭ تەتىكتەرى، قۇرالدارى ىسكە قوسىلعان. تاققان ايىپتارى - سايت زاڭسىز ميسسيونەرلىكپەن اينالىسقان كورىنەدى. Əرينە، ءبىز ول ايىپپەن كەلىسپەيمىز، ءوزىمىزدىڭ əركەز جۋرناليستىك مىندەتىمىزدى ادال اتقارعانىمىزدى ايتتىق. بىراق، وكىنىشكە وراي، ءبىزدىڭ سوتتاردا əدىلەتتىك جوق. ولارعا كەز كەلگەن مينيستر ىقپال ەتىپ، وزىنە ۇناماعانداردى سوتتىڭ قولىمەن قۋدالاي الادى.

ياعني، سايتتىڭ جابىلۋىنا مەنىڭ ءدىني كوزقاراسىم ەمەس، ەلىمىزدەگى ءدىن توڭىرەگىندەگى احۋالدىڭ شىندىعىن اشىپ ايتقانىم سەبەپ بولدى.

-ءسىز كەزەكتى رەت ۇلتشىل جىگىتتەرگە شۇيلىكتىڭىز. جازباڭىزعا قاراساق، ولار مەملەكەتكە قاۋىپتى ادامدار سياقتى...

-ناتسپاتتار - اقشاعا ساتىلاتىن بولسا، وندا شىنىمەن ۇلتقا قاۋىپتى.

-سىزشە بولعاندا «ناتسپاتتار» «ايەلقۇمار»، «القاش»، «جالعان پاتريوت» ەكەن. سوندا سىزدىڭشە، پارلامەنت دەپۋتاتى بولىپ سايلانۋعا كىمدەر لايىقتى؟

-پارلامەنتكە مىناۋ لايىق دەپ ۇلتشىل-پاتريوتتاردىڭ ەشقايسىسىن ۇسىنا المايمىن. ويتكەنى ولاردا ءسوز كوپ، ءىس جوق. ودان دا ناقتى ەڭبەكتەرىمەن، ىسكەرلىكتەرىمەن تانىلعان ازاماتتار بارعانى دۇرىس بولار ەدى. مىسالى، كəسىپكەرلەر - ايدىن راقىمباەۆ، قايرات قۇدايبەرگەنوۆ، مارعۇلان سەيسەنباەۆ جəنە ت.ب. مۇندايلار قازىرگى دەپۋتاتتار سەكىلدى پارلامەنتكە بايىپ قالۋ، ءوزىنىڭ، اعايىنىنىڭ مəسەلەسىن شەشىپ الۋ ءۇشىن بارماس ەدى. تەك ولار دەپۋتات بولۋعا قىزىقپايدى.

-تۇسىنىكتى. اڭگىمەڭىزگە راحمەت.

ەسكەرتۋ: سۇحباتتاسىمىز «ناتسپاتتار» دەپ وتىرعان ازاماتتار – قازاق قوعامىنا بەلگىلى ۇلتشىل جىگىتتەر. ولاردىڭ ازاماتتىق ۇستانىمىن، كوزقاراسىن ۇناتپايتىندار مىسقىلداپ، «ناتسپاتتار» دەيدى.

سۇحباتتاسقان  نۇرگەلدى ابدىعانيۇلى

Abai.kz

10 پىكىر