مانچەستەردەگى شابۋىلعا قاتىسى بار دەلىنگەن التىنشى كۇدىكتى ۇستالدى
بريتانيالىق پوليتسيانىڭ حابارلاۋىنشا، مانچەستەردەگى شابۋىلعا قاتىسقان دەگەن كۇدىكپەن بارلىعى التى ادام ۇستالدى.
قىلمىستىق توپتى قولعا ءتۇسىرۋ ماقساتىندا پوليتسيا بۇكىل مانچەستەردە ىزدەۋ جۇمىستارىن ءجۇرزىزىپ جاتىر.
ۇلىبريتانيا ىشكى ىستەر ءمينيسترى ەمبەر راددتىڭ مالىمدەۋىنشە، مانچەستەردەگى شابۋىلدى بىرنەشە ادام جۇزەگە اسىرعان.
بۇعان دەيىن پوليتسيا بەسىنشى كۇدىكتى قولعا تۇسكەنىن حابارلاعان. سولاردىڭ ءبىرىن ۇستاۋ كەزىندە كۇدىكتى قولىنا ءبىر پاكەت زات ۇستاپ تۇرعان. قازىر ونىڭ نە زات ەكەنى انىقتالىپ جاتىر.
مانچەستەردەگى تەراكتى جاۋاپكەرشىلىگىن "يسلام مەملەكەتى" تەرروريستىك توبى موينىنا الدى. "مانچەستەر ارەناداعى" كونتسەرت زالىنداعى جارىلىستان 22 ادام قازا تاپتى.
اباي-اقپارات
