كەشە وبلىس اكىمى باقتىقوجا ىزمۇحامبەتوۆ قاراتوبە اۋدانىندا  بولىپ، كوگىلدىر وتىن الاۋىن جاقتى. سونداي-اق وبلىس باسشىسى اۋدان ورتالىعىندا «100 مەكتەپ، 100 اۋرۋحانا» مەملەكەتتىك باعدارلاماسى اياسىندا سالىنىپ جاتقان مەكتەپ-ينتەرنات كەشەنىنىڭ قۇرىلىسىمەن تانىستى.

قاراتوبە اۋدانىنا جۇمىس ساپارىمەن كەلگەن قر مۇناي جانە گاز ءمينيسترى ساۋات مىڭباەۆ پەن وبلىس اكىمى باقتىقوجا ىزمۇحامبەتوۆ الدىمەن اۋدان ورتالىعىندا ورنالاسقان 300 ورىندىق مەكتەپ پەن 100 تاربيەلەنۋشىگە لايىقتالعان ينتەرنات كەشەنىنە ات باسىن تىرەدى. «100 مەكتەپ، 100 اۋرۋحانا» مەملەكەتتىك باعدارلاماسىنا سايكەس قولعا الىنعان مەكتەپ  قۇرىلىسى­نا رەسپۋبليكالىق بيۋدجەتتەن  بىلتىر 346 934 مىڭ تەڭگە، ال بيىل 226 249,0 مىڭ تەڭگە قارجى بولىنگەن بولاتىن. وتكەن جىلدىڭ تامىز ايىندا باس­تالعان قۇرىلىس جۇمىستارى قازىر اياقتالۋعا تاياۋ. جالپى اۋماعى 8999,42 شارشى مەتردى قۇرايتىن ءبىلىم ورداسى قازىردىڭ وزىندە كورەر كوزدىڭ جاۋىن الىپ، سىڭعىرلاپ تۇر. مەردىگەر «التاير» جشس وسكەلەڭ ۇرپاقتى ءبىلىم نارىمەن سۋسىنداتار مەكتەپ-ينتەرنات كەشەنىن استانا كۇنى قارساڭىندا پايدالانۋعا بەرمەك.

جاڭا مەكتەپتە ءبىلىم العىسى كەلەتىن ورەندەردىڭ قاتارى قازىردىڭ وزىندە مول. ايتكەنمەن، جاڭا وقۋ جىلى قارساڭىندا تەست تاپسىرىپ، ۇزدىك ناتيجە كورسەتكەن وقۋشىلار عانا قابىلدان­باق. جاڭا ءبىلىم وشاعىن ارالاپ شىق­قان وبلىس اكىمى باقتىقوجا ىزمۇحامبەتوۆ «مەكتەپ-ينتەرنات كەشەنى كىرسە شىققىسىز ەكەن، يگىلىكتەرىڭىزگە جاراسىن!» دەپ وڭ باعاسىن بەردى.

كەشە وبلىس اكىمى باقتىقوجا ىزمۇحامبەتوۆ قاراتوبە اۋدانىندا  بولىپ، كوگىلدىر وتىن الاۋىن جاقتى. سونداي-اق وبلىس باسشىسى اۋدان ورتالىعىندا «100 مەكتەپ، 100 اۋرۋحانا» مەملەكەتتىك باعدارلاماسى اياسىندا سالىنىپ جاتقان مەكتەپ-ينتەرنات كەشەنىنىڭ قۇرىلىسىمەن تانىستى.

قاراتوبە اۋدانىنا جۇمىس ساپارىمەن كەلگەن قر مۇناي جانە گاز ءمينيسترى ساۋات مىڭباەۆ پەن وبلىس اكىمى باقتىقوجا ىزمۇحامبەتوۆ الدىمەن اۋدان ورتالىعىندا ورنالاسقان 300 ورىندىق مەكتەپ پەن 100 تاربيەلەنۋشىگە لايىقتالعان ينتەرنات كەشەنىنە ات باسىن تىرەدى. «100 مەكتەپ، 100 اۋرۋحانا» مەملەكەتتىك باعدارلاماسىنا سايكەس قولعا الىنعان مەكتەپ  قۇرىلىسى­نا رەسپۋبليكالىق بيۋدجەتتەن  بىلتىر 346 934 مىڭ تەڭگە، ال بيىل 226 249,0 مىڭ تەڭگە قارجى بولىنگەن بولاتىن. وتكەن جىلدىڭ تامىز ايىندا باس­تالعان قۇرىلىس جۇمىستارى قازىر اياقتالۋعا تاياۋ. جالپى اۋماعى 8999,42 شارشى مەتردى قۇرايتىن ءبىلىم ورداسى قازىردىڭ وزىندە كورەر كوزدىڭ جاۋىن الىپ، سىڭعىرلاپ تۇر. مەردىگەر «التاير» جشس وسكەلەڭ ۇرپاقتى ءبىلىم نارىمەن سۋسىنداتار مەكتەپ-ينتەرنات كەشەنىن استانا كۇنى قارساڭىندا پايدالانۋعا بەرمەك.

جاڭا مەكتەپتە ءبىلىم العىسى كەلەتىن ورەندەردىڭ قاتارى قازىردىڭ وزىندە مول. ايتكەنمەن، جاڭا وقۋ جىلى قارساڭىندا تەست تاپسىرىپ، ۇزدىك ناتيجە كورسەتكەن وقۋشىلار عانا قابىلدان­باق. جاڭا ءبىلىم وشاعىن ارالاپ شىق­قان وبلىس اكىمى باقتىقوجا ىزمۇحامبەتوۆ «مەكتەپ-ينتەرنات كەشەنى كىرسە شىققىسىز ەكەن، يگىلىكتەرىڭىزگە جاراسىن!» دەپ وڭ باعاسىن بەردى.

وسىدان ەكى جىل بۇرىن اۋدان حالقىمەن كەزدەسۋىندە وبلىس اكىمى باقتىقوجا ىزمۇحامبەتوۆ شالعايداعى قاراتوبە وڭىرىنە كوگىلدىر وتىن جەلىسىن جەتكىزۋگە ۋادە بەرگەن بولاتىن. وبلىس باسشىسى كۇنى كەشە اۋىل حالقىنىڭ كوپتەن كۇتكەن زور قۋانىشىمەن دە ءبولىستى. اۋدان ورتالىعىنداعى ورتالىق الاڭدا وتكەن مەرەكەلىك سالتاناتقا جيىلعان جۇرتشىلىق الدىندا ءسوز العان باقتىقوجا ىزمۇحامبەتوۆ بۇل ىزگى مۇراتقا

ەلباسى نۇرسۇلتان نازارباەۆتىڭ، «نۇر وتان» حدپ مەن قر مۇناي جانە گاز مينيسترلىگىنىڭ تىكەلەي قولداۋىنىڭ ارقاسىندا قول جەتكىزگەندىگىن قاداپ ايتتى.

- مەملەكەت باسشىسىنىڭ تاپسىرماسىنا سايكەس قۇنى 261 ملن. دوللاردى قۇرايتىن «قاراشىعاناق - ورال» گاز قۇبىرى قۇرىلىسىن قىسقا مەرزىمدە اياقتاۋ جوسپارلانعان ەدى. وتكەن جىلدىڭ سوڭىندا وسى جوبانىڭ ءبىرىنشى كەزەڭى جۇزەگە اسىرىلىپ، تەرەكتى اۋدانىنىڭ ورتالىعى فەدوروۆ جانە ونىڭ توڭىرەگىندەگى ەلدى مەكەندەر كوگىلدىر وتىنعا قوسىلدى. ەندى، مىنە، وسى جوبانىڭ ەكىنشى كەزەڭى جۇزەگە اسىپ، سىرىم جانە قاراتوبە اۋداندارىنىڭ ەلدى مەكەندەرىنە گاز جەتكىزىلدى. وبلىس اۋماعىندا جالپى ۇزىندىعى 552 شاقىرىم ماگيسترالدى گاز قۇبىرى تارتىلدى. بۇل 146 ەلدى مەكەندەگى 100 مىڭ ادام كوگىلدىر وتىنمەن قامتىلعالى تۇر دەگەن ءسوز، - دەدى ءوڭىر باسشىسى.

«بىتكەن ءىستىڭ باسىنا، جاقسى كەلەر قاسىنا» دەمەكشى، وبلىستىڭ شالعايداعى ەلدى مەكەندەرىن گازداندىرۋ جۇمىسىنا باسا ءمان بەرىپ، قولداۋ كورسەتكەن رەس­پۋب­ليكانىڭ مۇناي جانە گاز ءمينيسترى ساۋات مىڭباەۆ ولكەدەگى جاسامپاز ەڭبەككە كوڭىل تولىپ،  كوز سۇيسىنەتىندىگىن ايتا كەلە، قاراتوبەلىكتەرگە كوگىلدىر وتىننىڭ قىزىعىن كورۋدى تىلەدى.

بۇدان سوڭ مارتەبەلى مەيماندار قاراتوبە اۋدانىنىڭ قۇرمەتتى ازاماتى 83 جاستاعى مالدىباي بەردىعاليەۆتىڭ شاڭىراعىندا بولىپ، اۋىل-ايماقتىڭ ورتاق قۋانىشى ءۇشىن قۇتتى بولسىن ايتتى.

- وسىدان بىرنەشە جىل بۇرىن وبلىس اكىمى باقتىقوجا ىزمۇحامبەتوۆ قاراتوبەگە جۋىق ارادا گاز جەتەدى دەگەندە سەنىڭ­كىرەمەگەنىمىز راس، - دەيدى قاراتوبە اۋىلىنىڭ تۇرعىنى كۇلاشمۇقتارقىزى.

- بىراق ارمان اقيقاتقا اينالدى. تەز ارادا گاز قۇبىرى قۇرىلىسى قارقىن الىپ، بۇگىندەرى كوگىل­دىر وتىن جەلىسى ءۇيدى-ۇيگە تارتىلۋدا. اۋدان باسشىلىعى «گاز ورناتۋعا قاجەتتى قارجى-قاراجاتتى الدىن الا جيناستىرىپ قويىڭدار» دەگەن سوڭ، اۋىل حالقى مالىن ساتىپ، اقشاسىن دايىنداپ، ءازىر وتىر. كوگىلدىر وتىن شاڭىراعىمىزعا جەتكەلى ساناۋلى ساعات ءوتتى. ارتىقشىلىعىن قازىردىڭ وزىندە سەزىنىپ وتىرمىز. ەندى وت جاعىپ، كۇل شىعارۋ ماشاقاتىنان قۇتىلدىق، - دەيدى ول.

قاراتوبەدەگى گاز باللونى­نىڭ باعاسى 1000-1500 تەڭگەنىڭ توڭىرەگىندە. ءبىر باللون ۇنەم­دەپ پايدالانعاننىڭ وزىندە 20 كۇنگە عانا جەتەتىنىن ەسكەرسەك جانە قىس مەزگىلىندە وتقا جاعار كومىردىڭ تونناسى 13 مىڭ تەڭگەگە جۋىقتايتىنىن قاپەرگە الساق، كوگىلدىر وتىن جەلىسى ايتۋلى الەۋمەتتىك جەتىستىك ەكەنى ءشۇباسىز.

اۋدان اكىمى ارمان وتەعۇلوۆتىڭ مالىمدەۋىنشە، بۇگىنگى تاڭدا اۋدان ورتالىعىنداعى 720 ءتۇتىننىڭ 445-ءى گاز قۇبىرىن كىرگىزۋگە نيەتتى، ءتىپتى 140-ى اقشاسىن الدىن الا تولەپ تە قويعان. ازىرگە 11 ۇيگە كوگىلدىر وتىن كىرگىزىلدى. بۇل جۇمىستاردى «گازكوتلامونتاج» جشس اتقارۋدا.

2015 جىلعا دەيىن قاراتوبە اۋدانىنا قاراستى توعىز اۋىلدىق وكرۋگ تۇگەلدەي گاز جۇيەسىنە قوسىلماق.

دينارا ەسەنتاەۆا