سەيسەنبى, 17 مامىر 2022
ءجون-اق 4693 34 پىكىر 22 مامىر, 2017 ساعات 10:33

قر پرەزيدەنتى نازارباەۆ اقش پرەزيدەنتى ترامپپەن اڭگىمەلەستى

قازاقستان پرەزيدەنتى «اقش – يسلام الەمى» ءسامميتى اياسىندا بىرقاتار مەملەكەتتەردىڭ باسشىلارىمەن جانە دەلەگاتسيا جەتەكشىلەرىمەن كەلىسسوزدەر جۇرگىزدى دەپ حابارلايدى aqorda.kz سايتى.
مەملەكەت باسشىسى «اقش – يسلام الەمى» ءسامميتى اياسىندا بىرقاتار مەملەكەتتەردىڭ باسشىلارىمەن جانە دەلەگاتسيا جەتەكشىلەرىمەن قىسقا كەلىسسوزدەر وتكىزدى. اتاپ ايتقاندا، نۇرسۇلتان نازارباەۆ اقش پرەزيدەنتى دونالد ترامپپەن اڭگىمەلەستى. اڭگىمە بارىسىندا ەكىجاقتى ءوزارا ءىس-قيمىلدىڭ نەگىزگى باعىتتارى، سونىڭ ىشىندە ساۋدا-ەكونوميكالىق، ساياسي جانە مادەني-گۋمانيتارلىق سالالارداعى بايلانىستاردى تەرەڭدەتۋ پەرسپەكتيۆاسى تالقىلاندى. ەكى ەل پرەزيدەنتتەرى كۇن تارتىبىندەگى حالىقارالىق ماسەلەلەر جونىندە دە پىكىر الماستى.

سونىمەن قاتار، قازاقستان پرەزيدەنتى مەملەكەتارالىق ىنتىماقتاستىقتىڭ ءتۇرلى ماسەلەلەرى جونىندە كۋۆەيت مەملەكەتىنىڭ ءامىرى ساباح ءال-احماد ءال-دجابەر اس-ساباحپەن، كاتار ءامىرى شەيح تاميم بەن حاماد ءال تانيمەن، باحرەين كورولى حاماد بەن يسا ءال حاليفامەن، ابۋ-ءدابيدىڭ تاق مۇراگەرى، بىرىككەن اراب امىرلىكتەرى قارۋلى كۇشتەرى جوعارعى باس قولباسشىسىنىڭ ورىنباسارى، شەيح مۇحاممەد بەن زايد ءال ناحايانمەن، يەمەننىڭ پرەزيدەنتىمەن، ماۆريتانيا پرەزيدەنتى موحاممەد ۋلد ابدەل-ازيزبەن، پاكىستاننىڭ پرەمەر-ءمينيسترى ن.شاريفپەن پىكىرلەستى.

نۇرسۇلتان نازارباەۆ يسلام ىنتىماقتاستىق ۇيىمىنىڭ باس حاتشىسى يۋسەف بەن احمەد ءال-ۋسايمينمەن ءوزارا ءىس-قيمىلدىڭ كەيبىر اسپەكتىلەرىن تالقىلادى.

اباي-اقپارات 

34 پىكىر