دۇيسەنبى, 6 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
جاڭالىقتار 2941 3 پىكىر 26 ءساۋىر, 2017 ساعات 17:57

ۇلتتىق كوميسسيانىڭ العاشقى وتىرىسى بولىپ ءوتتى

قازاقستان رەسپۋبليكاسى پرەزيدەنتىنىڭ

جانىنداعى قوعامدىق سانانى جاڭعىرتۋ

باعدارلاماسىن ىسكە اسىرۋ جونىندەگى ۇلتتىق كوميسسيانىڭ ءبىرىنشى وتىرىسى  بولىپ ءوتتى دەپ حابارلايدى اباي-اقپارات.

اعىمداعى جىلعى 26 ساۋىردە اقوردادا قر پرەزيدەنتى اكىمشىلىگىنىڭ باسشىسى ءا.جاقسىبەكوۆتىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ ءبىرىنشى وتىرىسى بولىپ ءوتتى.

وتىرىس بارىسىندا ۇلتتىق كوميسسيانىڭ ماقساتتارى مەن مىندەتتەرى، مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا ۇسىنىلعان باعىتتاردى ىسكە اسىرۋ جولدارى تالقىلاندى.

قوعامدىق سانانى جاڭعىرتۋ باعدارلاماسى شەڭبەرىندە جوبالاردى ىسكە اسىرۋ ءۇشىن جۇمىس توپتارى قۇرىلاتىن بولادى. ولاردىڭ قۇرامىنا سالالىق ماماندار، ساراپشىلار، سونداي-اق كوپشىلىك قاۋىم وكىلدەرى، سونىڭ ىشىندە تانىمال عىلىم، ءبىلىم جانە مادەنيەت قايراتكەرلەرى كىرەدى.

ءاربىر جۇمىس توبى ءبىر ايلىق مەرزىمدە قاجەتتى رەسۋرستىق قامتاماسىز ەتۋدى ەسكەرە وتىرىپ وزدەرىنىڭ ءىس-قيمىل الگوريتمىن ۇسىنادى.

بۇعان قوسا، قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ءىس-شارالار جوسپارى مەن كوميسسيا جۇمىسىن رەگلامەنتتەيتىن  ۇلتتىق كوميسسيا تۋرالى ەرەجە قارالدى.

ۇلتتىق كوميسسيا پرەزيدەنت جارلىعىمەن قوعامدىق سانانى جاڭعىرتۋ باعدارلاماسىن ىسكە اسىرۋ، ەلدىڭ ودان ءارى ىلگەرىلەمەلى مادەني-گۋمانيتارلىق دامۋىن قامتاماسىز ەتۋ ماقساتىندا قۇرىلعان بولاتىن.

كوميسسيانىڭ قۇرامىنا تانىمال قوعام قايراتكەرلەرى، عالىمدار، جازۋشىلار، جۋرناليستەر، پارلامەنت دەپۋتاتتارى، پرەزيدەنت اكىمشىلىگىنىڭ وكىلدەرى، ۇكىمەت مۇشەلەرى، وڭىرلەر،  استانا جانە الماتى قالالارىنىڭ اكىمدەرى، قازاقستان حالقى اسسامبلەياسىنىڭ مۇشەلەرى، ساياسي پارتيالاردىڭ مۇشەلەرى ەنگەن.

 

اباي-اقپارات

3 پىكىر