جۇما, 10 شىلدە 2020
COVID-19 قازاقستاندا. جۇقتىرعاندار — 53021. جازىلعاندار — 31277. قايتىس بولعاندار — 264
ەل ءىشى... 8739 12 پىكىر 26 ءساۋىر, 2017 ساعات 11:01

ساياسي بەلسەندىلەردى ازاماتتىقتان ايىرۋ باستالادى

قازاقتان قىلمىستىق كودەكسىنىڭ 21-بابىندا ازاماتتىقتان ايىراتىن قوسىمشا جازا ءتۇرى قوسىلاتىن بولادى، - دەپ حابارلايدى اباي-اقپارات. بۇل تۋرالى 25 ساۋىردە استانادا ادىلەت ءمينيسترى مارات بەكەتاەۆ مالىمدەگەن.

"مەملەكەت مۇددەسىنە زور نۇقسان كەلتىرگەنى ءۇشىن" ازاماتتىقتان ايىرۋ تۋرالى ۇسىنىستى بيىل ەلباسى نۇرسۇلتان نازارباەۆتىڭ ءوزى جاسادى. ەلباسى جاساعان ۇسىنىس تىكەلەي لاڭكەستەرگە باعىتتالعان سياقتى ەدى. "شاش ال دەسە، باس الۋعا" بەيىلدى شەندىلەر بۇل ۇسىنىستى تىم ساياسيلاندىرىپ جىبەرمەدى مە ەكەن دەگەن قاۋىپ بار.

ازاماتتىقتان ايىرۋ جازاسىنا اسا اۋىر تەررورلىق قىلمىستار، سونداي-اق كونستيتۋتسيالىق قۇرىلىمدى بۇزۋعا باعىتتالعان ارەكەتتەر جاتادى ەكەن-ءمىس.

ءبىزدىڭ ەلدە "كونستيتۋتسيالىق قۇرىلىمدى بۇزۋعا باعىتتالعان ارەكەتتەر" دەگەن ۇكىم تەك ساياسي بەلسەندىلەرگە قاتىستى ەكەندىگى بەسەنەدەن بەلگىلى. شىندىعىن ايتۋ كەرەك، الاڭعا شىعىپ، دەموكراتيالىق قۇقىعىن پايدالانىپ، بيلىككە نارازىلىق بىلدىرگەندەردىڭ ءبارىن "كونستيتۋتسيالىق قۇرىلىمدى بۇزۋعا ارەكەتتەندى" دەپ، باس-كوزگە قاراماي تاس اتا باستايمىز.

بۇل زاڭ قابىلدانسا، دەموكراتيا جولىمەن الاڭعا شىققان ءار ازامات ازاماتتىقتان ايرىلىپ قالىپ جۇرمەي مە؟

بۇل - ءوز ويىڭ، ءوز پىكىرىڭ بولسا، قازاقستاندا ءومىر ءسۇرۋ قۇقىعىڭ جوق دەگەن ءسوز ەمەس پە؟

مارات بەكەتاەۆتىڭ مالىمدەۋىنشە، پارلامەنتكە تۇسكەن زاڭ جوباسىن دايىنداۋدىڭ ەشقانداي ساياسي سەبەبى جوق. "مۇنىڭ ەشقانداي ساياسي استارى جوق. تەررورلىق ارەكەتتەرگە قاتىسقان ادامدار قازاقستانعا قايتىپ ورالىپ، يدەولوگياسىن ەلدە تاراتۋىنا قارسى كۇرەسكىمىز كەلەدى", - دەدى بەكەتاەۆ.

قىلمىستىق كودەكسكە تۇزەتۋلەر جوباسى قازاقستان كونستيتۋتسياسىنا وزگەرتۋلەر ەنگىزىلگەن سوڭ قولعا الىندى.

بۇل وزگەرىستىڭ وڭ بولعانىن قالايمىز. الايدا "كونستيتۋتسيالىق قۇرىلىمدى بۇزۋعا باعىتتالعان ارەكەتتەر" دەگەن قانداي ارەكەتتەر ەكەنى زاڭدا انىق جازىلۋى كەرەك.

ءشارىپحان قايسار

اباي-اقپارات

12 پىكىر