اقتوبە - ءۇش وزەننىڭ ورتاسىنا سالىنعان قالا عوي. سازدى، ەلەك جازدا سىزدىقتاپ اعىپ جاتادى. قارعالىنىڭ اعىسى قاتتىلاۋ. وسى ءۇش وزەن جانە شەتتەگى جىڭىشكە دە بيىل قار سۋىنا تولدى. وعان قوسا ءار وزەننىڭ باسىندا سۋ قويمالارى بار. ءبارى تولعان سوڭ شليۋزدەرىن بىرتىندەپ اشتى.

250 ملن توننا سۋ جينالاتىن اقتوبە سۋ قويماسى الساق، بيىل سۋ لىق تولعان. دامبانى اشپاسا قاۋىپتى. سۋ قىسىمىنا شىداماي، بوگەت بۇزىلۋى مۇمكىن. سوندا ونداعى سۋ بۇكىل قالانى باسادى. سوندىقتان شليۋزدەردى تۇندە اشىپ، سۋدى جىبەرىپ وتىر. سوندىقتان وزەندەردىڭ ءبارى ءبارى ساعاسىنان اسىپ، اينالاداعى ەلدى مەكەندەر مەن ساياجاي ماسسيۆتەرىن باسىپ جاتىر. وزەندەر ساعاسىنداعى، قالا شەتىندەگى بۇرىن ساياجاي بولعان اۋماقتاردىڭ بارلىعىنا ادامدار ءۇي سالىپ تاستادى. قالا دا ۇلكەيىپ كەتتى. بۇرىندارى ەرىگەن قار سۋى اعىپ كەتەتىن ساي سالا جىلعالار بىتەلدى. اسىرەسە بۇرىنعى ساياجايلاردىڭ ورنىندا تىرنەكتەپ ءۇي سالىپ العان xالىق قاتتى زارداپ شەگىپ جاتىر.

سوڭعى 19 جىلدا بولماعان ەدى، بۇل نە دەپ قايران قالعاندارعا ايتىپ جاتقانىم عوي. قالانىڭ ءوزىنىڭ ىشىندە سۋاعار ارىق دەگەندەر و باستا قاراستىرىلماعان. كىشكەنە نوسەر جاۋسا ءبىتتى، كوشەدە كولىكتەر ءجۇزىپ كەتەدى. ەندى قالانى سۋ باسپاعاندا نە بولادى؟ سوندىقتان ءۇي سالۋعا جەر بەرگەندە، ەڭ الدىمەن سۋ اعار، كوكتەمدە تاسيتىن وزەندەر مەن سۋ قويماسىنا جينالاتىن الاپات سۋدى قايدا جىبەرەمىز دەپ، مامانداردى جيناپ، ءبىر جولىن تابۋ كەرەك قوي.

19 جىلدا بولمادى دەپ ارقانى كەڭگە سالىپ وتىرا بەرگەننىڭ كەسىرى، مىنە xالىققا ءتيىپ جاتىر. بىزدە سونىڭ جولىن كورسەتەتىن ماماندار بار شىعار-اۋ. بۇل الداعى شارۋا ەندى تاپ قازىر ، تىرنەكتەپ جيناپ سالعان باسپانالارى سۋعا كەتىپ، زارداپ شەككەن xالىققا ناقتى كومەك كورسەتۋدىڭ قامىنا كىرىسكەن ابزال. زار يلەتىپ قويمايىق. ەل بولىپ، قول ۇشىن سوزايىق. قالتالى ازاماتتار، ارتتارىڭداعى ادامدارعا دا قايىرىلىپ قويساڭىزدار بىرۋاقىت. ەلباسى ايتقان ۇلتتىق كود وسىدان باستالادى.

باقىت جانشاەۆا

Facebook-تەگى پاراقشاسىنان