سەنبى, 4 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
جاڭالىقتار 2416 1 پىكىر 5 ءساۋىر, 2017 ساعات 12:26

گولوۆكينمەن جەكپە-جەك بولمايدى - بيللي دجو سوندەرس

ورتا سالماقتا WBO تۇجىرىمى بويىنشا الەم چەمپيونى ۇلىبريتانيالىق بوكسشى بيللي دجو سوندەرس (24-0, 12 كو) جەكپە-جەكتى ۇيىمداستىرۋعا كەلىسىم الا الماعانىن مالىمدەدى، - دەپ حابارلايدى tengrinews.kz Vesti.kz باسىلىمىنا سىلتەمە جاساپ.

سوڭعى كەزدەرى سوندەرستىڭ وكىلدەرى ورتا سالماقتا WBA (Super), IBO, WBC جانە IBF تۇجىرىمدارى بويىنشا الەم چەمپيونى قازاقستاندىق بوكسشى گەننادي گولوۆكيننىڭ (37-0, 33 كو) كومانداسىمەن كەلىسسوزدەر جۇرگىزىپ جاتتى. استانادا ماۋسىم ايىندا ءوتۋى مۇمكىن بوكس كەشىندە گولوۆكينگە باستى قارسىلاس رەتىندە وسى ۇلىبريتانيالىق بوكسشى بولادى دەلىنگەن.

سوندەرس مالىمدەمەسىندە كەلىسسوزدەردىڭ نەلىكتەن ىسكە اسپاۋىنىڭ سەبەبىن ايتپادى. سونىمەن قاتار، ول كىممەن كەلىسسوزدەر جۇرگىزىپ جاتقانى تۋرالى دا ءتىس جارمادى. بارلىق سۇراقتار بويىنشا ءوزىنىڭ پروموۋتەرى فرەنك ۋوررەنگە حابارلاسۋدى سۇرادى. "جەكپە-جەك بولمايدى. مەنەن ەمەس، فرەنك ۋوررەننەن سۇراڭىزدار. بولماشى ىستەرمەن اينالىسقىم كەلمەيدى. Tesco (ۇلىبريتانيانىڭ سۋپەرماركەتتەر جەلىسى - رەداكتسيا.) دۇكەندەرىنەن جۇمىس ىزدەپ كورسەم دەيمىن", - دەپ جازدى سوندەرس Twitter جەلىسىندەگى پاراقشاسىندا.

ايتا كەتەيىك، ينسايدەرلىك اقپارات بويىنشا، باق بەتتەرىندە گولوۆكين - سوندەرس جەكپە-جەگى استانادا 17 ماۋسىمدا EXPO-2017 حالىقارالىق كورمەسى كۇندەرى وتەتىنى حابارلاندى. قازاقستاندىق بوكسشى مەن مەكسيكالىق ساۋل "كانەلو" الۆارەس اراسىنداعى جەكپە-جەك قىركۇيەكتە وتەدى دەپ بولجانادى، الايدا كەلىسسوزدەر ءالى دە ءجۇرىپ جاتىر.

اباي-اقپارات

1 پىكىر