سارسەنبى, 1 جەلتوقسان 2021
قۇلاقتىڭ اڭگىمەسى 8312 40 پىكىر 31 ناۋرىز, 2017 ساعات 12:21

جاڭا پرەزيدەنت سارايى سالىنادى

قازاقستان پرەزيدەنتى نۇرسۇلتان نازاباەۆتىڭ جاڭا رەزيدەنتسياسى سالىنۋى مۇمكىن، - دەپ جازادى «saigez.kz» سايتى ءسۇيىنشى سۇراپ.

استانادا سالىنۋى ىقتيمال سارايدىڭ قۇرىلىسىنا «mabetex group» ينجينەرلىك-قۇرىلىس كومپانياسى جاۋاپتى ەكەن. كومپانيانىڭ رەسمي سايتىندا بولاشاقتاعى پرەزيدەنت سارايىنىڭ سۇلباسى جاريالاندى.

استانا قالاسىنداعى بىرنەشە عيماراتتىڭ قۇرىلىسىمەن اينالىسقان كومپانيانىڭ سايتىنان كورگەنىمىز سول. قازىرگى بۇل كومپانيا اقوردا، «استانا-وپەرا» تەاترى، قر ءسىم، «سارىارقا» ۆەلوترەگىن سالىپتى.

الايدا، جوبا قۇرىلىسى قاشان باستالاتىنى ءام قاشان اياقتالاتىنى تۋرالى ەش اقپارات بەرىلمەگەن.

پرەزيدەنت رەزيدەنتسياسى تەك – مەملەكەت باسشىسىنىڭ جاتاق جايى ەمەس، مەملەكەتتىڭ قوناقتارىن كۇتۋگە ارنالعان رەسمي ساراي.

پرەزيدەنت نازارباەۆتىڭ استاناداعى ەڭ ءبىرىنشى رەزيدەنتسياسى قازىر تۇڭعىش پرەزيدەنت مۇراجايى بولدى. ودان كەيىن پرەزيدەنت اقورداعا قونىس اۋداردى. ونىڭ قازىر تۇرىپ جاتقان ءۇيىنىڭ جالپى اۋماعى (دالىرەك ايتساق، سارايى) 36 720 شارشى مەتردى قۇرايدى ەكەن. ول 2004 جىلى سالىنعان. ودان بەرى قاراي 13 جىل ءوتتى.

ورتا ازيا حالىقتارىندا پاتشا ءام پاتشا سارايى دەگەن ۇعىم ءالى كۇنگە ساقتالعان. مىسالى، قازاقستان، قىرعىزستان، وزبەكستان، تاجىكستان، تۇركىمەنستان سەكىلدى مەملەكەتتەردە كۇنى بۇگىنگە دەيىن پرەزيدەنتتى «ەلباسى»، «تۇركىمەنباسى»، «اتا» دەپ اتايدى. بۇل ءوز كەزەگىندە پرەزيدەنتكە كورسەتىلگەن قۇرمەتتىڭ ەرەكشە ءتۇرى.

سوندىقتان دا، ءبىزدىڭ گەوساياسي كارتاداعى كورشى-قولاڭىمىز ساراي سالۋدان جارىستى الدەقاشان باستاپ كەتكەن.

مىسالى; رەسەي پرەزيدەنتىنىڭ ميلليونداپ جيعان قارجىسى بىلتىر "پاناما" وفشورىنان ءبىر-اق شىققان. ال وتكەن اپتادا عانا رەسەيدىڭ پرەمەر-ءمينيسترى دميتري مەدۆەدەۆتى جەمقور دەپ تانىعان جۇرت كوشەگە شىقتى.

ال مىناۋ رف پرەزيدەنتىنىڭ سارايى:

كەزىندە ەۋروپانىڭ سوڭعى ديكتاتورى اتانعان بەلورۋسسيا پرەزيدەنتى الەكساندر لۋكاشەنكو جاڭا ساراي سالىپ، وعان نۇرسۇلتان نازارباەۆ پەن ۆلاديمير ءپۋتيندى شاقىرعان ەدى. قازىر لۋكاشەنكو ەۋروپامەن ءتىل تابىستى. ول كەيىنگى كەزدەرى ورىسپەن وداقتىڭ ورعا جىعاتىنىن جاقسى تۇسىنە باستاعان سياقتى.

 

تۇركىمەنستاننىڭ پرەزيدەنتى دە بايلىعى جاعىنان باسقالاردان قالمايدى.

ال بۇل ماجارستان پرەزيدەنتىنىڭ رەسمي رەزيدەنتسياسى.

يران باسشىسى راۋحاني مىرزا سارايىنىڭ سالتاناتىمەن ماقتانباسا دا، الەمدىك ساياستتا، اسىرەسە، يشيم ماسەلەسىندە نەگىزگى ويىنشى ەكەنى ءسوزسىز.

10117 Berlin, Am Kupfergraben, 6 ءۇي. بۇل كوپ قاباتتى ۇيدە الەمنىڭ ەڭ ىقپالدى ايەل باسشىسى انگەلا مەركەل تۇرادى. قاراپايىم عانا ءۇي. ونىڭ ءۇيىن بار بولعانى ەكى پوليتسيا قىزمەتكەرى كۇزەتەدى. ايلىعى دا اسىپ بارا جاتقان جوق.  جىلدىق تابىسى - 290 مىڭ ەۋرو.

ال الەمنىڭ ەڭ كەدەي پرەزيدەنتى - ۋرۋگۆايدا. ول حوسە البەرتو مۋحيكا كوردانو. باسىندا 1 گەكتار جەرى بار.  "فولكسۆاگەن جۋك" دەيتىن ماشينەسى بار.1200 دوللاردان ءسال اساتىن جالاقىسى بار. حوسە البەرتو مۋحيكا ايىنا 12500 دوللار الادى. العانىنىڭ 90 پايىزىن قايىرىمدىلىققا بەرەدى ەكەن.

مىنە، سولاي. ايتپاقشى، بىزگە ساراي كەرەك. داۋلاسپايىق.

نۇرزات توعجان

Abai.kz

 

 

 

40 پىكىر

ۇزدىك ماتەريالدار